លើខ្លួនត្រីមាន ៣ ផ្នែកសម្បូរសារធាតុចិញ្ចឹមខ្លាំង ពិសេសចំណុចទី ២ ជួយបន្ថែមកូឡាជែន ដែលស្រ្តីត្រូវញាំឲ្យបានច្រើន!
មនុស្សគ្រប់គ្នាដឹងថាត្រីគឺជាអាហារដែលមានជីវជាតិនិងធ្វើឲ្យមានសុខភាពល្អ។ ប៉ុន្តែទោះជាយ៉ាងនេះមែន ជារឿយៗមនុស្សតែងផ្តោតតែលើការបរិភោគសាច់ត្រី ហើយមិនអើពើផ្នែកផ្សេងទៀតនៃត្រីនោះទេ។ ការទទួលទានផ្នែកផ្សេងទៀតនៃត្រី ក្រៅពីសាច់ពិតជាផ្តល់អត្ថប្រយោជន៍ជាច្រើនដល់សុខភាព។ សូមមើលផ្នែកសំខាន់ៗដូចខាងក្រោមនេះ៖
ព្រុយត្រី៖ ជាធម្មតានៅពេលដែលយើងធ្វើត្រី តែងតែមានទម្លាប់កាត់ព្រុយត្រីចេញហើយបោះចោល ដោយសារគិតថា ព្រុយត្រីមានក្លិនស្អុយ ហើយនៅពេលធ្វើជាម្ហូបនឹងមិនសូវមានភាពទាក់ទាញ។ ប៉ុន្តែ ប្រសិនបើអ្នកដឹងពីរបៀបធ្វើព្រុយត្រីឲ្យបានត្រឹមត្រូវ វាអាចក្លាយជាអាហារដែលមានជីវជាតិខ្លាំងណាស់ ជាពិសេសជាឱសថ។
ប្លោកត្រី៖ ប្លោកត្រីមានផ្ទុកនូវសារធាតុ Collagen អាស៊ីតខ្លាញ់ឆ្អែត វីតាមីន កាល់ស្យូម ស័ង្កសី ជួយធ្វើឲ្យស្បែកសរលោង ស្អាត ប្រឆាំងភាពចាស់ ដែលស្រ្តីមិនគួររំលង។ ប្លោកត្រីមានរសជាតិផ្អែមមធ្យម ជួយបំប៉នឈាម ការពារក្រលៀន បង្កើនទឹកកាមសម្រាប់បុរស។
នៅពេលអ្នកទិញត្រីមួយផ្នែកនេះមកបរិភោគ អ្នកគួរតែជ្រើសរើសពូជពណ៌សស្រអាប់ កុំទិញប្រភេទពណ៌លឿងខ្មៅ សើម មានសញ្ញាផ្សិត មានក្លិនត្រីខ្លាំង ព្រោះអាចបង្កគ្រោះថ្នាក់ដល់រាងកាយ។
*ចំណាំ៖ អ្នកដែលមានបញ្ហាប្រព័ន្ធរំលាយអាហារ ឧស្សាហ៍រាគ មិនគួរទទួលទានផ្នែកនេះទេ៖
ពងត្រី៖ សម្បូរទៅដោយវីតាមីន A, D, និង B ល្អខ្លាំងណាស់សម្រាប់ភ្នែក ស្បែក និងការពារការកើតជំងឺក្រិនរបស់កុមារ។ លើសពីនេះ ពងត្រីក៏សម្បូរទៅដោយជាតិដែក កាល់ស្យូម ផូស្វ័រ និងសារធាតុរ៉ែផ្សេងៗទៀត។ មួយវិញទៀត ក៏មានផ្ទុកនូវសារធាតុ caphalin (ត្រូវបានគេស្គាល់ផងដែរថាជា phospholipid) ដែលល្អសម្រាប់ខួរក្បាល។ ដូច្នោះ កុមារតូចៗដែលចង់អភិវឌ្ឍយ៉ាងទូលំទូលាយ និងអភិវឌ្ឍខួរក្បាលរបស់ពួកគេ ជារឿយៗអាចញ៉ាំពងត្រីបាន។
ប្រភព៖ បរទេស
ព័ត៌មានថ្មីៗ
