គួរអាន! ការញៀនស្ករ បង្កគ្រោះថ្នាក់ធ្ងន់ធ្ងរជាងញៀនបារីទៀត រហូតធ្វើឲ្យអាយុខ្លីបាន!!
យោងតាមអង្គការសុខភាពពិភពលោក (WHO) បានធ្វើការស្ទង់មតិទ្រង់ទ្រាយធំមួយដើម្បីសិក្សាពីមូលហេតុនៃការស្លាប់នៅក្នុងប្រទេសចំនួន ២៣ ជាលទ្ធផលបង្ហាញថា ផលប៉ះពាល់នៃការញៀនស្ករគឺធ្ងន់ធ្ងរជាងការជក់បារីទៅទៀត។ ខាងក្រោមនេះជាផលប៉ះពាល់នៃការញ៉ាំស្ករច្រើនពេក។
១.ធ្វើឲ្យញៀន
ការញ៉ាំស្ករច្រើនពេក អាចធ្វើឲ្យញៀនបាន ដោយសារជាតិស្ករប៉ះពាល់ដល់អរម៉ូនក្នុងរាងកាយមនុស្ស រារាំងខួរក្បាលមិនឱ្យជូនដំណឹងថា ក្រពះឆ្អែត រហូតធ្វើឱ្យមនុស្សចង់បន្តញ៉ាំសូម្បីតែពេលឆ្អែតក៏ដោយ។ ក្រៅពីនេះ ស្ករក៏បន្តបញ្ជូនសញ្ញាទៅកាន់ខួរក្បាលថា រាងកាយចង់ញ៉ាំស្ករដែលជាហេតុធ្វើឲ្យមនុស្សឃ្លានស្ករ ដូចការជក់បារី។
២.បង្កើនខ្លាញ់
គ្រោះថ្នាក់ជាក់ស្តែងបំផុតនៃការញ៉ាំស្ករច្រើនដែលគ្រប់គ្នាឃើញគឺការឡើងទម្ងន់ ព្រោះនៅពេលបរិភោគបរិមាណជាតិស្ករលើសពីតម្រូវការរបស់រាងកាយ ច្រើនតែធ្វើឲ្យពិបាកក្នុងការរំលាយ និងបំប្លែងទៅជាខ្លាញ់ ហើយខ្លាញ់ទាំងនេះក៏ត្រូវបានបំប្លែងទៅជាគ្លុយកូសក្នុងបរិមាណតិចតួចប៉ុណ្ណោះបន្ទាប់ពីរាងកាយ។ ដូច្នេះប្រសិនបើអ្នកបន្តបន្ថែមជាតិស្ករ នោះជាតិខ្លាញ់នឹងស្ថិតនៅក្នុងខ្លួនរបស់អ្នកហើយបន្តកើនឡើងបន្តិចម្ដងៗ ឡើងទម្ងន់ ហើយធាត់។
៣.ជំងឺបេះដូង
សារធាតុទ្រីគ្លីសេរីតមិនត្រឹមតែអាចបង្កបញ្ហាដល់ថ្លើមប៉ុណ្ណោះទេ ប៉ុន្តែវាក៏អាចនាំឱ្យកើតជំងឺបេះដូងផងដែរ។ នៅពេលដែលយើងទទួលទានជាតិស្ករច្រើនពេក ទ្រីគ្លីសេរីតត្រូវបានបំប្លែងពីជាតិស្ករ រហូតបង្កើនហានិភ័យនៃជំងឺបេះដូងភ្លាមៗ។
៤.ភាពធន់នឹងអាំងស៊ុយលីន
ការទទួលទានជាតិស្ករធ្វើឱ្យកម្រិតជាតិស្ករក្នុងឈាមកើនឡើង រាងកាយផលិតអាំងស៊ុយលីនដើម្បីជួយជាតិស្ករក្នុងឈាមចូលទៅក្នុងកោសិកា។ ការទទួលទានជាតិស្ករច្រើនពេកអាចធ្វើឱ្យអាំងស៊ុយលីនមិនអាចដំណើរការជាតិស្ករក្នុងឈាមបាន ដែលបណ្តាលឱ្យមានភាពធន់នឹងអាំងស៊ុយលីន បង្កើនហានិភ័យនៃជំងឺដូចជាជំងឺទឹកនោមផ្អែម និងជំងឺមេតាប៉ូលីស។
ប្រភព៖ បរទេស
ព័ត៌មានថ្មីៗ
