តើអាហារពេលព្រឹក-អាហារថ្ងៃត្រង់-អាហារពេលល្ងាច គួរញាំពេលណាទើបល្អ?
នេះជាពេលវេលាដ៏ស័ក្តិសមក្នុងការទទួលទានអាហារពេលព្រឹក អាហារថ្ងៃត្រង់ អាហារពេលល្ងាច ដើម្បីជួយអ្នកសម្រកទម្ងន់ និងរស់នៅឱ្យមានសុខភាពល្អ។ ដើម្បីទទួលបានប្រសិទ្ធភាពសូមអនុវត្តឲ្យជាប្រចាំ៖
អាហារពេលព្រឹក
អាហារពេលព្រឹកពេញលេញគឺចាំបាច់ណាស់ដើម្បីគ្រប់គ្រងចំណង់អាហារពេញមួយថ្ងៃ។ ម្យ៉ាងទៀត ប្រសិនបើអាហារពេលព្រឹកមានជីវជាតិគ្រប់គ្រាន់ នោះការចង់ទទួលទានអាហារដែលមិនល្អ និងមិនត្រឹមត្រូវក៏ត្រូវបានកាត់បន្ថយដែរ។ ហេតុនេះ ពេលវេលាដ៏ល្អបំផុតដើម្បីញ៉ាំអាហារពេលព្រឹកគឺចាប់ពីម៉ោង ៧ ព្រឹកគឺល្អបំផុត។
អាហារថ្ងៃត្រង់
អាហារថ្ងៃត្រង់មិនពេញលេញនឹងមិនធ្វើឱ្យអ្នកមានបញ្ហាសុខភាពឡើយ ហើយការទទួលទានអាហារថ្ងៃត្រង់ដែលមានសុខភាពល្អ និងមានតុល្យភាពអាចផ្តល់ឱ្យអ្នកនូវថាមពលបានពេញមួយថ្ងៃបានយ៉ាងងាយ។ ជាពិសេស អាហារថ្ងៃត្រង់ដ៏ល្អត្រូវផ្តល់វីតាមីន សារធាតុរ៉ែ ប្រូតេអ៊ីន និងកាបូអ៊ីដ្រាតគ្រប់គ្រាន់ ដើម្បីរក្សាពោះឱ្យឆ្អែត។ ពេលវេលាដ៏ល្អបំផុតដើម្បីទទួលទានអាហារថ្ងៃត្រង់គឺចាប់ពីម៉ោង ១២ៈ៣០ ដល់ ១៣ៈ០០។
អាហារពេលល្ងាច
ការទទួលទានអាហារពេលល្ងាចទាន់ពេលគឺមានសារៈសំខាន់ខ្លាំងណាស់សម្រាប់ការសម្រកទម្ងន់។ ការទទួលទានអាហារពេលល្ងាចយឺតនឹងនាំឱ្យមានការរំលាយអាហារយឺត និងគ្មានប្រសិទ្ធភាព។ មួយវិញទៀត ការញ៉ាំអាហារពេលយប់ក៏ប៉ះពាល់ដល់ដំណេករបស់អ្នកយ៉ាងធ្ងន់ធ្ងរដែរ។
ការស្រាវជ្រាវបង្ហាញថា ការទទួលទានអាហារពេលល្ងាចក្រោយ ២០ ម៉ោងអាចនាំឱ្យឡើងទម្ងន់ ខ្លាញ់ក្បាលពោះ។ ផ្ទុយទៅវិញ ការបញ្ចប់អាហារពេលល្ងាចលឿននឹងជួយដល់ការរំលាយអាហារ និងបង្កើតរយៈពេលស្តង់ដារនៃការតមអាហាររយៈពេល ៨ ម៉ោងពេញមួយយប់។
ប្រភព៖ បរទេស
ព័ត៌មានថ្មីៗ
