ពិបាកគេង គេងមិនលក់ កុំបារម្ភសាកត្រឹមវិធីទាំង ៥ នេះធានាទទួលបានប្រសិទ្ធភាពខ្ពស់
មានមូលហេតុផ្សេងៗគ្នាជាច្រើននៃការគេងមិនលក់នៅពេលយប់ ដូចជា ភាពតានតឹង ការផ្លាស់ប្តូរអ័រម៉ូន ទម្លាប់នៃការគេងមិនបានល្អ ឬផលវិបាកនៃលក្ខខណ្ឌវេជ្ជសាស្ត្រមួយចំនួនដូចជា ជំងឺទឹកនោមផ្អែម ជំងឺរលាកសន្លាក់។
ប៉ុន្តែប្រសិនបើអ្នកមានការគេងមិនលក់ដោយសារតែស្ថានភាពសុខភាព អ្នកគួរតែទៅពិគ្រោះជាមួយគ្រូពេទ្យដើម្បីទទួលការណែនាំអំពីរបៀបព្យាបាលទាន់ពេលវេលា ឬអ្នកអាចសាកល្បងគន្លឹះទាំងនេះជាមុនសិន ដើម្បីធ្វើឲ្យគេងលក់ស្រួល។
រក្សាបរិយាកាសគេងឱ្យបានល្អ
កន្លែងគេងដែលមានផាសុកភាព អាចនាំឱ្យអ្នកគេងលក់ស្រួលស្កប់ស្កប់ ហើយមនុស្សមួយចំនួនក៏មិនបានអើពើនឹងបញ្ហានេះដែរ។ មួយវិញទៀត ប្រសិនបើអ្នកបើកភ្លើង ឬមានសំឡេងខ្លាំងៗអំឡុងពេលគេង វានឹងធ្វើឲ្យមានផលរំខានដល់ដំណេកជាក់ជាមិនខាន។ ដូច្នេះអ្នកគួរតែថែរក្សាខ្លួនអ្នកនូវកន្លែងគេងដែលមានបរិយាកាសល្អ ជ្រើសរើសពូក ខ្នើយ ដែលមានកម្ពស់ត្រឹមត្រូវ។
ញាំរបបអាហារដែលមានសុខភាពល្អ
ការមានរបបអាហារមិនត្រឹមត្រូវ នឹងធ្វើឲ្យអ្នកគងមិនលក់ គុណភាពនៃការគេងនឹងកាន់តែខ្សោយ។ ជាពិសេសនៅពេលជ្រើសរើសអាហារខុសសម្រាប់អាហារពេលល្ងាច ដូចជាការញ៉ាំច្រើនពេក និងធ្វើឲ្យពិបាកក្នុងការរំលាយអាហារ។ ហើយបើអ្នកមានទម្លាប់ញ៉ាំអាហារពេលយប់ជ្រៅ អាចបណ្ដាលឲ្យអ្នកងាយឆ្អល់ពោះ ការរំលាយអាហារយឺតនាំឱ្យគេងមិនលក់។
កម្ចាត់អារម្មណ៍អវិជ្ជមាន
ការមានអារម្មណ៍ធុញថប់ពេញមួយថ្ងៃ តានតឹងផ្លូវចិត្តខ្លាំងពេក ក៏អាចជាមូលហេតុដែលធ្វើឱ្យគេងមិនលក់ដែរ។ ដូច្នេះដើម្បីគេងឱ្យបានល្អឡើងវិញ ត្រូវចាប់ផ្តើមសម្រួលអារម្មណ៍ បន្ថយភាពតានតឹង និងរៀនគ្រប់គ្រងអារម្មណ៍ដើម្បីលើកកំពស់សុខភាព។
សម្រួលការងារ និងការសម្រាក
ការងងុយគេងយូរ ហើយមិនចូលគេងនឹងប៉ះពាល់ដល់ដំណេកធ្ងន់ធ្ងរ ដែលអាចធ្វើឲ្យបាត់បង់ដំណេកពេញមួយយប់។ ដូច្នោះដើម្បីពេលវេលាគេងពេលយប់ដែលល្អបំផុតគឺគួរតែចូលគេងអំឡុងម៉ោង ១០៖៣០ នាទីប៉ុណ្ណោះ គេងឲ្យបានទាន់ពេលវេលា ចៀសវាងការគេងយឺតពេក ដើម្បីកុំឲ្យមានការររំខានដំណេក។
លំហាត់ប្រាណកម្រិតមធ្យម
លំហាត់ប្រាណអាចជួយពង្រឹងសុខភាព ដែលមនុស្សភាគច្រើនតែងតែមើលរំលង។ ដើម្បីធ្វើឲ្យរាងកាយមានសុខភាពល្អ រឹងមាំ ជាពិសេសជួយដល់ដំណេក អ្នកគួរធ្វើលំហាត់ប្រាណពេលថ្ងៃ និងពេលយប់ ប៉ុន្តែកុំធ្វើជ្រុលពេក។
ប្រភព៖ បរទេស
ព័ត៌មានថ្មីៗ
