មិនមែនពេលព្រឹកទេ! នេះជាពេលវេលាមាសក្នុងការផឹកទឹកដោះគោ ដែលមានអត្ថប្រយោជន៍ល្អបំផុតសម្រាប់សុខភាព
មនុស្សជាច្រើនតែងតែមានទម្លាប់ផឹកទឹកដោះគោនៅពេលព្រឹក ដើម្បីផ្តល់ថាមពលសម្រាប់ថ្ងៃ។ ទោះជាយ៉ាងណាក៏ដោយ យោងតាមអ្នកឯកទេសអាហារូបត្ថម្ភ និយាយនេះមិនមែនជាពេលវេលាដ៏ល្អបំផុតសម្រាប់រាងកាយក្នុងការផឹកទឹកដោះគោនោះទេ ដោយសារទឹកដោះគោមានជាតិប្រូតេអ៊ីនច្រើន ឥទ្ធិពលនៃប្រូតេអ៊ីនបង្កើតឡើងវិញ និងបង្កើតកោសិកាថ្មី នៅពេលផឹកទឹកដោះគោនៅពេលព្រឹក សារធាតុចិញ្ចឹមងាយនឹងបញ្ចេញតាមក្រពះ ធ្វើឱ្យរាងកាយពិបាកស្រូបយក ហើយមីក្រូសារជាតិត្រូវបានបណ្តេញចេញពីរាងកាយ។
ជាការពិតពេលវេលានៃការផឹកទឹកដោះគោមានផ្សេងៗគ្នាហើយក៏នាំមកនូវអត្ថប្រយោជន៍ផ្សេងៗគ្នាដែរ។ អ្នកអាចផឹកទឹកដោះគោនៅពេលព្រឹក ថ្ងៃត្រង់ ពេលរសៀល ពេលល្ងាចបានដុចគ្នា។ ប៉ុន្តែបើតាមអ្នកជំនាញ ពេលវេលាដ៏ល្អបំផុតដើម្បីផឹកទឹកដោះគោគឺ ១-២ ម៉ោងមុនចូលគេង ព្រោះនៅពេលនោះរាងកាយនឹងមានពេលសម្រាប់រំលាយ និងស្រូបយកសារធាតុចិញ្ចឹមល្អបំផុត ដូចជា ប្រូតេអ៊ីន និងកាល់ស្យូម ដើម្បីជួយពង្រឹងឆ្អឹង និងបន្ថែមភាពធន់។ ខាងក្រោមនេះជាហេតុផល ៥ យ៉ាងដែលអ្នកគួរតែផឹកទឹកដោះគោនៅពេលយប់។
ជួយបង្កើនសីតុណ្ហភាពរាងកាយ
យោងតាមការសិក្សាមួយ ទឹកដោះគោក្តៅអាចបង្កើនសមត្ថភាពរបស់យើងក្នុងការងងុយគេងបានលឿន។ ទឹកដោះគោក្តៅជួយបង្កើនការផ្គត់ផ្គង់ឈាមដល់រាងកាយទាំងមូល ថែមទាំងបង្កើតចំងាយរវាងផ្នែករាងកាយដូចជា ជើង និងជួយបង្កើនសីតុណ្ហភាពរាងកាយ ជួយឱ្យយើងគេងលក់ស្រួល។
កាត់បន្ថយការថប់បារម្ភ
ការសិក្សាមួយបាននិយាយថា ការផឹកទឹកដោះគោនៅពេលយប់នឹងផលិតសារធាតុ melatonin និង serotonin ដើម្បីជួយអ្នកកាត់បន្ថយការថប់បារម្ភ។ លើសពីនេះ ទឹកដោះគោមានលក្ខណៈសម្បត្តិ sedative ដែលអាចជួយកាត់បន្ថយការរំភើបនៃប្រព័ន្ធសរសៃប្រសាទកណ្តាល និងផ្តល់នូវការគេងលក់កាន់តែប្រសើរឡើង។
ជួយសម្រួលសាច់ដុំ
ការផឹកទឹកដោះគោពេលយប់អាចជួយសម្រួលសាច់ដុំ និងជំរុញឱ្យគេងលក់ ។ នៅពេលដែលសាច់ដុំសម្រាក ឬតានតឹង វាជួយធ្វើឱ្យចិត្តស្ងប់ និងធ្វើឱ្យគេងលក់ស្រួល។
ជួយដល់ការគេងមិនលក់
ពេលអ្នកមានអាយុច្រើន កម្រិតនៃសារធាតុ melatonin និង serotonin ក្នុងរាងកាយថយចុះ ដែលធ្វើអោយពិបាកក្នុងការងងុយគេង។ ប៉ុន្តែ ទឹកដោះគោអាចជួយអ្នកឱ្យប្រសើរឡើងនូវរោគសញ្ញាទាំងនេះ ថែមនឹងជំរុញឱ្យគេងលក់ឆាប់។
ប្រភព៖ បរទេស
ព័ត៌មានថ្មីៗ
