ទោះបីស្អាតខ្លាំងនិងថោកក៏ដោយ កុំទិញអីចាន ៣ ប្រភេទនេះ ព្រោះមានលោហៈធ្ងន់ “ថ្នាំពុល” បំផ្លាញសុខភាព

• 2021-11-25

នៅលើទីផ្សារសព្វថ្ងៃនេះ មានចានជាច្រើនប្រភេទដែលត្រូវបានដាក់លក់ ពោរពេញទៅដោយការរចនានូវលក្ខណៈស្អាតៗ។ ទោះជាយ៉ាងណាក៏ដោយ អ្នកជំនាញណែនាំថា មានចាន ៣ ប្រភេទមានរូបរាងល្អ ស្អាត បំផុត តែដាច់ខាតមិនត្រូវទិញទេព្រោះវាមានសារធាតុគ្រោះថ្នាក់ប៉ះពាល់ដល់ជីវិត។

ចានប៉សឺឡែនមានពណ៌លេចធ្លោខ្លាំង

ពេលទៅផ្សារទិញចាន មនុស្សភាគច្រើនតែងមានការចាប់អារម្មណ៍លើប្រភេទចានណាដែលមានពណ៌ភ្លឺ និងការរចនាជាច្រើន។ ប៉ុន្តែយ៉ាងណាក៏ដោយ ពណ៌នៃ enamel នៅក្នុងចាន អាចបង្កគ្រោះថ្នាក់ដល់រាងកាយខ្លាំងណាស់ ព្រោះវាអាចមានលទ្ធភាពបំពុលអាហារ និងប៉ះពាល់ដល់សុខភាព។

លើសពីនេះទៀតថ្នាំលាបទាំងនេះមានធាតុលោហៈធ្ងន់ដូចជាសំណ។ ការពុលជាតិសំណនឹងបណ្តាលឱ្យស្រកទម្ងន់ ក្អួតចង្អោរ ឈឺពោះ បង្កើនហានិភ័យនៃជំងឺលើសឈាម រយៈពេលយូរនឹងបណ្តាលឱ្យមានជំងឺតម្រងនោម និងខួរក្បាល។ ដូច្នេះ នៅពេលអ្នកទិញចាន ចូរព្យាយាមកុំជ្រើសរើសចានដែលមានពណ៌ច្រើនពេក។

ចានមានគំនូរស្មុគស្មាញ

ចានប្រភេទនេះមិនត្រឹមតែពិបាកប្រើប្រាស់ប៉ុណ្ណោះទេ ថែមទាំងបង្កបញ្ហាក្នុងការលាងសម្អាតផងដែរ ដោយសាររចនាសម្ព័ន្ធចានស្មុគស្មាញ ធ្វើឱ្យបាក់តេរីងាយកកកុញ ហើយសំណល់អាហារមិនងាយសម្អាត។ ម្យ៉ាងវិញទៀត ចានគោមប្រភេទនេះមិនត្រឹមតែមិនមានអនាម័យប៉ុណ្ណោះទេ ថែមទាំងអាចធ្វើឱ្យរាងកាយងាយនឹងឆ្លងមេរោគបាក់តេរី ជាពិសេសជំងឺដែលទាក់ទងនឹងប្រព័ន្ធរំលាយអាហារ។

ចានប៉សឺឡែនកុបពី

ចានប៉សឺឡែនកុបពីមានគុណសម្បត្តិស្រស់ស្អាត និងថោក ប៉ុន្តែចានប៉សឺឡែនបែបនេះតែងមានគុណភាពអន់ ជារឿយៗត្រូវបានផលិតចេញពីជ័រមេឡាមីន ប្រើក្នុងទឹកក្តៅអាចបញ្ចេញសារធាតុ formaldehyde ដែលជាសារធាតុបង្កមហារីកកម្រិត ១។

ប្រភព៖ បរទេស