ស៊ែរៗ! ពាក្យ “តិចតួច” ៤ យ៉ាង គួរតែអនុវត្តឲ្យបាន ព្រោះមានឥទ្ធិពលណាស់អាចជួយអ្នកឲ្យមានអាយុកាន់តែវែង
ទាំងនេះគឺជា "តិចតួច" ទាំង ៤ ដែលអ្នកគួរធ្វើ មិនត្រឹមតែតិចអំពីរឿងខាងក្រៅឬកន្លែងរស់នៅរបស់អ្នកប៉ុណ្ណោះទេ ប៉ុន្តែថែមទាំង "ជីវិតខាងក្នុង" របស់អ្នក គំនិត កង្វល់ និងជម្រើសរបស់អ្នកផងដែរ។
១. ប្រាថ្នាតិច ខ្វល់ខ្វាយតិច
ប្រភពនៃទុក្ខទាំងអស់គឺការចង់បានច្រើនពេក មានន័យថា កាន់តែចង់បាន កាន់តែមានបញ្ហា ផ្ទុយទៅវិញ បើកាត់បន្ថយចំណង់ អ្នកនឹងឃើញអត្ថន័យពិតនៃសុភមង្គល។ ដូចមនុស្សជាច្រើនដែលតែងតែមានអារម្មណ៍មិនសប្បាយចិត្ត ដោយសារតែពួកគេមានចំណង់ច្រើនពេក ប៉ុន្តែពួកគេភ្លេចថា វាមានដែនកំណត់ចំពោះអ្វីដែលពួកគេអាចនាំមក។
ពួកគេតែងតែនិយាយថា អ្នកកាន់តែចាស់ អ្នកកាន់តែបារម្ភ ប៉ុន្តែវាមិនពាក់ព័ន្ធទៅនឹងអាយុនោះទេ ប៉ុន្តែដោយសារតែពួកគេទាមទារខ្លួនឯងខ្លាំងពេក។ ការចង់បានរបស់ចម្លែកគឺជាសភាវគតិរបស់យើង ប៉ុន្តែដែនកំណត់របស់មនុស្ស និងការទាមទារហួសហេតុនឹងគ្រាន់តែជាការចាប់ផ្តើមនៃសោកនាដកម្មនៅក្នុងជីវិតមនុស្សប៉ុណ្ណោះ។ សេចក្តីប្រាថ្នាតិច ការស្កប់ស្កល់នឹងអ្វីដែលអ្នកមាន ហើយលះបង់ការលោភលន់ គឺជាវិធីដែលធ្វើឲ្យព្រលឹងអ្នកកាន់តែស្ងប់។
២. ញ៉ាំតិច ឈឺតិច
បុរាណតែងពោលថា៖ «ការបរិភោគឲ្យបានល្អគឺមានពរ» ប៉ុន្តែមានមនុស្សតិចណាស់ដែលដឹងប្រយោគបន្ទាប់ថា «ការបរិភោគបានល្អគឺមានប្រាជ្ញា» ។ បើអ្នកមិនមែនជាអ្នករើសអេតចាយទេ អ្នកមានសំណាងហើយ ប៉ុន្តែការយល់ដឹងពីរបៀបញ៉ាំគឺជាប្រាជ្ញា។ បើញ៉ាំច្រើនពេក វានឹងបង្កបន្ទុកដល់ផ្លូវរំលាយអាហារ ហើយងាយនឹងកើតជំងឺច្រើនមុខដូចជា ជំងឺបេះដូង ទឹកនោមផ្អែម ធាត់។ ហេតុដូនេះ ដើម្បីជៀសវាងជំងឺទាំងឡាយ គឺត្រូវញ៉ាំឲ្យបានគ្រប់គ្រាន់ បែងចែកអាហារដើម្បីចៀសវាងការញ៉ាំច្រើនក្នុងមួយពេល។
៣. គិតតិច ខ្វល់តិច
ជារឿយៗយើងមានការព្រួយបារម្មណ៍ខាងផ្លូវចិត្តចំពោះរឿងដែលមិនបានកើតឡើង ដូច្នេះហើយការដែលហៅថា ជំងឺបាក់ទឹកចិត្ត ជួនកាលគ្រាន់តែជានឹមគុកដែលអ្នករៀបចំសម្រាប់ខ្លួនឯងដោយសារតែការគិតច្រើនពេក។ ការគិតច្រើនអំពីរឿងតូចតាចធ្វើឱ្យរាងកាយនឿយហត់ ការគិតច្រើនអំពីរឿងធំធ្វើឱ្យបេះដូងនឿយហត់ ហើយការគិតច្រើនពេកអំពីរឿងអាក្រក់គឺជារឿងមិនល្អ។
វាជាការប្រសើរក្នុងការគិតតិច បោះបង់អ្វីដែលធ្វើឱ្យអ្នកព្រួយបារម្ភ ហើយអ្នកនឹងមានអារម្មណ៍ស្រួល។ ការថែរក្សាអារម្មណ៍របស់អ្នកឱ្យបានល្អគឺសំខាន់ជាងអ្វីៗផ្សេងទៀតពេញមួយជីវិតរបស់អ្នកណាស់។
៤.និយាយតិច មិនសូវមានបញ្ហា
បើមនុស្សនិយាយដោយគ្មានការទប់ចិត្ត ហើយនិយាយតាមចិត្តខ្លួនឯង នោះនឹងអាចបង្កបញ្ហាដល់ខ្លួនឯង ដូច្នោះមុនិយាយអ្វីមួយ អ្នកត្រូវគ្រលាស់អណ្ដាតប្រាំពីរដងមុននឹងនិយាយ កុំឲ្យមាត់ធ្វើបាបខ្លួនឯង ជៀសវាងការទាស់ទែងគ្នាដោយនឹកស្មានមិនដល់។ កុំបណ្តោយឱ្យខ្លួនអ្នកជាប់ក្នុងពាក្យសម្ដីដែលមិនបានពិចារណា ខណៈពេល "រីករាយ" ដោយខ្វះការគ្រប់គ្រងនេះអាចធ្វើឱ្យយើងខាតបង់យ៉ាងធ្ងន់ធ្ងរ៕
ប្រភព៖ បរទេស
ព័ត៌មានថ្មីៗ
