មិនមែន Zidane ឬ Rodgers តែគ្រូតា Sir Alex ចង្អុលម្នាក់នេះ ឲ្យ United យកមកដឹកនាំបន្តពី Ole
Man Utd បានប្រកាសដកតំណែងលោក Ole Gunnar Solskjaer ជាផ្លូវការហើយ ខណៈរឿងបន្ទាប់ដែលត្រូវធ្វើ គឺគិតថា នឹងយកនរណាមកជំនួសបន្ត? បើតាមការណែនាំពីអតីតគ្រូចាស់លោក Sir Alex Ferguson គឺបានចង្អុលឈ្មោះគ្រូកំពុងជាប់ភារកិច្ចនៅ Ligue 1។
តាមសារព័ត៌មាន talkSPORT ចុះផ្សាយថា លោក Sir Alex ដែលតែងតែចាំគាំទ្រ Solskjaer ពីមុនមក ពេលនេះបានជំរុញឲ្យ Man Utd បន្តទៅយកគ្រូថ្មី ដែលជាលោក Mauricio Pochettino នៃក្លឹប Paris Saint-Germain មកជំនួស។
Pochettino ដែលបច្ចុប្បន្នកំពុងដឹកនាំ PSG ត្រូវបានលេចលឺយូរណាស់ហើយ ថាមានបំណងចង់មកដឹកនាំ Man Utd ដូចគ្នា ខណៈពីដើមមក លោកធ្លាប់មានបទពិសោធន៍ដឹកនាំក្លឹបអង់គ្លេស Tottenham Hotspur បានប៉ុន្មានឆ្នាំដែរ។
យ៉ាងណាយើងមិនច្បាស់ថា បុរសវ័យ ៤៩ ឆ្នាំ នឹងព្រមជ្រើសរើសផ្លូវបែកពី PSG មកដឹកនាំ United ឬបែបណាឡើយ ព្រោះបើមកបិសាចពេលនេះ លោកនឹងត្រូវទទួលដោះស្រាយបញ្ហាជាច្រើនក្លឹបកំពុងប្រឈម ប៉ុន្តែបើនិយាយពីធនធានកីឡាករមានស្រាប់ គឺមិនចាញ់កីឡាករឈរជើងនៅក្លឹបសេដ្ឋីបារាំងនោះទេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
