កុំរំលង! អាហារ ៤ មុខ គួរប្រើពេលព្រឹកជំនួសបាយបាន មានទាំងរសឆ្ងាញ់ ជួយបង្កើនអាយុវែង ពិសេសញ៉ាំមិនខ្លាចធាត់
មនុស្សភាគច្រើនលើលោកនេះនៅពេលក្រោកពីព្រលឹមភ្លាម តែងតែនឹកឃើញដល់អាហារពេលព្រឹកមុនគេ មុននឹងចាប់ផ្ដើមធ្វើកិច្ចការអ្វីៗបន្តទៀត។ ប៉ុន្តែអ្នកគ្រប់គ្នាក៏ប្រាកដជាធ្លាប់បានឃើញហើយថា មនុស្សទាំងអស់នោះតែងចាប់អារម្មណ៍លើប្រភេទអាហារណាដែលមានភាពងាយស្រួល ដូចជា បាយស្រូប ជាដើម។ ដូច្នេះ ដើម្បីទទួលបានអាហារដែលមានសុខភាពល្អ ញាំហើយមិនប៉ះពាល់ សូមមើលដូចខាងក្រោមនេះ។
ពោត
ពោតស្ងោរមួយមានទម្ងន់ប្រហែល ១៦៤ ក្រាម ១៧៧ កាឡូរី អូមេហ្គា ៦ និងសម្បូរទៅដោយជាតិសរសៃ ល្អខ្លាំងណាស់ដើម្បីជួយផ្តល់ថាមពលដល់កោសិកាពោះវៀន កាត់បន្ថយហានិភ័យនៃជំងឺផ្សេងៗ ដូចជា បញ្ហាពោះវៀន រួមទាំងមហារីកពោះវៀនធំទៀតផង។
ក្រៅពីនេះ ពោតមានជាតិខ្លាញ់តិចណាស់ ដូច្នេះមិនថា អ្នកញ៉ាំច្រើនប៉ុណ្ណាទេ អ្នកមិនចាំបាច់ព្រួយបារម្ភអំពីការប្រមូលផ្តុំជាតិខ្លាញ់ក្នុងខ្លួននោះទេ។ លើសពីនេះទៀត សារធាតុ phytochemicals នៅក្នុងសូត្រពោតគ្រប់គ្រងហ្សែនដែលគ្រប់គ្រងការប្រមូលផ្តុំជាតិខ្លាញ់ និងភាពខុសគ្នានៃកោសិកាខ្លាញ់ ខណៈពេលដែលបង្កើនអត្រានៃការរំលាយអាហារ lipolysis និងអាស៊ីតខ្លាញ់ដើម្បីជួយក្នុងការសម្រកទម្ងន់ប្រកបដោយប្រសិទ្ធភាព។
ចេក
មិនត្រឹមតែសម្បូរជាតិសរសៃប៉ុណ្ណោះទេ ថែមទាំងមានកាឡូរីទាប ចេកជាអាហារជំនួសដ៏ល្អឥតខ្ចោះ ដើម្បីបំពេញចំណង់អាហារ ព្រោះចេកធំមួយមានប្រហែល ១០០kcal ។ ប៉ុន្តែមានជាតិសរសៃរហូតដល់ទៅ ៤-៥g ដែលស្មើនឹង ១៥% នៃតម្រូវការជាតិសរសៃរបស់រាងកាយ ដូច្នេះវាជួយបន្ថយអារម្មណ៍ឃ្លាន និងធ្វើឱ្យអ្នកឆ្អែតបានយូរ។
លើសពីនេះ ពេលទទួលទានចេកជាអាហារពេលព្រឹក វានឹងជួយជំរុញដល់ការរំលាយអាហារ និងបង្កើនល្បឿនរំលាយអាហារ។ ការទទួលទានផ្លែចេកនឹងធ្វើឱ្យកម្រិតជាតិសូដ្យូមមានតុល្យភាពក្នុងរាងកាយ និងជួយគ្រប់គ្រងសម្ពាធឈាមខ្ពស់។
គ្រាប់ធញ្ញជាតិ
គ្រាប់ធញ្ញជាតិដូចជា Walnut នឹងក្លាយជាអាហារពេលព្រឹកដ៏មានប្រយោជន៍បំផុតដែលសម្បូរទៅដោយសារធាតុចិញ្ចឹមសម្រាប់រាងកាយរបស់យើង។ ដោយសារតែនៅក្នុងគ្រាប់ទាំងនេះមានកាឡូរីទាប និងប្រូតេអ៊ីន សម្បូរទៅដោយជាតិសរសៃ ដែលជួយកាត់បន្ថយការឃ្លាន ហេតុនេះវាអាចជួយគ្រប់គ្រងការទទួលទានអាហារ ធ្វើអោយប្រសើរឡើងនូវហានិភ័យនៃជំងឺបេះដូង កាត់បន្ថយភាពធន់នឹងអាំងស៊ុយលីន និងកាត់បន្ថយការរលាក។ គ្រាប់ទាំងអស់មានជាតិម៉ាញ៉េស្យូម ប៉ូតាស្យូម និងខ្លាញ់ monounsaturated ល្អសម្រាប់បេះដូងណាស់។
កាហ្វេ
កាហ្វេគឺជាភេសជ្ជៈដ៏ល្អដែលមានជាតិកាហ្វេអ៊ីនខ្ពស់ អាចធ្វើអោយអារម្មណ៍ប្រសើរឡើង ភាពស្វាហាប់ និងដំណើរការបានល្អ ហើយថែមទាំងជួយពន្លឿនការរំលាយអាហាររបស់រាងកាយ និងដុតបំផ្លាញជាតិខ្លាញ់សម្រាប់អ្នកដែលស័ក្តិសមក្នុងការសម្រកទម្ងន់។
លើសពីនេះ កាហ្វេសម្បូរទៅដោយសារធាតុប្រឆាំងអុកស៊ីតកម្ម ដែលជួយកាត់បន្ថយការរលាក ការពារកោសិកាដែលតម្រង់សរសៃឈាម និងកាត់បន្ថយហានិភ័យនៃជំងឺទឹកនោមផ្អែម និងជំងឺថ្លើម៕
ប្រភព៖ បរទេស
ព័ត៌មានថ្មីៗ
