Jonathan ថារបៀបលេង Sancho មិនសមនឹង Man Utd ទេ គួរតែផ្ទេរទៅក្លឹបនេះល្អជាង
Jadon Sancho ដែលធ្លាប់ជាកីឡាករលេចធ្លោនៅក្លឹប Borussia Dortmund ពេលនេះបែរជាមកដុនដាបនៅក្លឹប Man Utd ដោយមិនទាន់បង្ហាញផ្លែផ្កាគួរឲ្យចាប់អារម្មណ៍នៅឡើយ ដ្បិតអី ១៣ ប្រកួតនៅក្លឹបក្នុងទឹកដីអង់គ្លេស មិនទាន់រកបានគ្រាប់បាល់ ឬ Assist នៅឡើយ។
កីឡាករតម្លៃ ៧៦ លានផោន ក៏ត្រូវបានជើងចាស់នៃក្លឹប Real Madrid កីឡាករ Jonathan Woodgate បង្ហាញការយល់ឃើញថា ប្រសិនជាមកលេងនៅ PL គេគួរតែផ្ទេរទៅក្លឹបហង្សក្រហម Liverpool ជាជាងក្លឹប Man Utd។
អតីតខ្សែការពារខាងលើនិយាយ៖ "គ្រប់យ៉ាងមិនដំណើរការរលូន ដូចការគ្រោងទុករបស់ Sancho ទេ ចាប់តាំងតែពីថ្ងៃដែលគេចុះហត្ថលេខាមកលេងឲ្យ Man Utd នៅរដូវក្តៅ ខ្ញុំមើលឃើញរបៀបលេងរបស់ក្រុម មិនសក្តិសមនឹងគេឡើយ"។
លោកបន្ត៖ "នេះ United មិនប្រើប្រាស់ Sancho តាមរបៀបដែលគេធ្លាប់ជោគជ័យកាលនៅ Dortmund ឡើយ សម្រាប់ Jadon គេជាកីឡាករពោរពេញដោយទេពកោសល្យ ដូច្នេះប្រសិនអ្នកដឹងពីរបៀបប្រើប្រាស់គេលើទីលាន នោះគេនឹងធ្វើបានល្អ ហើយប្រសិនគេទៅលេងឲ្យ Liverpool ខ្ញុំជឿថា គេនឹងពេញលក្ខណៈ ធ្វើបានល្អជាងនេះ យ៉ាងពិតប្រាកដ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
