ហេតុផល ៣ យ៉ាង ដែលឪពុកម្ដាយមិនចាំបាច់ផ្ដល់ឲ្យកូនអាយុតិចជាងមួយឆ្នាំ នូវទឹកផ្លែឈើឡើយ
វាត្រូវបានគេជឿថា ឪពុកម្តាយជាច្រើនជ្រើសរើសផ្តល់ឱ្យកូនរបស់ពួកគេដែលមានអាយុតិចជាងមួយឆ្នាំផឹកទឹកផ្លែឈើ ព្រោះគេជឿថា ទឹកផ្លែឈើនេះនឹងជួយពង្រឹងរាងកាយរបស់ក្មេង ឬមនុស្សមួយចំនួនប្រហែលជាគិតថា រាងកាយរបស់កូនអ្នកអាចទទួលបានសារធាតុចិញ្ចឹមជាច្រើនពីការផឹកទឹកផ្លែឈើ។ ប៉ុន្តែថ្ងៃនេះយើងនឹងអញ្ជើញឪពុកម្ដាយមកយល់ពីមូលហេតុថា ហេតុអ្វីបានជាទារកមិនចាំបាច់ផឹកទឹកផ្លែឈើ។
1. ឡើងទម្ងន់
ជាការពិតណាស់ នៅពេលដែលទម្ងន់របស់កូនមិនដល់កម្រិត ការផឹកទឹកផ្លែឈើអាចនឹងជួយបង្កើនទម្ងន់របស់កូនបាន។ ប៉ុន្តែវាត្រូវបានណែនាំឱ្យផឹកតែក្នុងបរិមាណតិចតួចប៉ុណ្ណោះ ហើយគួរចៀសវាងចំពោះកុមារដែលមានអាយុក្រោម ឬលើសទម្ងន់ដែរ ព្រោះវាអាចនាំឱ្យឡើងទម្ងន់ និងប្រឈមនឹងជំងឺធាត់ទៀតផង។
2. បណ្តាលឱ្យពុកធ្មេញ
ដោយសារតែទឹកផ្លែឈើភាគច្រើនមានជាតិអាស៊ីត ដូច្នេះហើយ បើឪពុកម្តាយឲ្យកូនផឹកវាអាចបណ្តាលឲ្យពុកធ្មេញ។ ទោះជាយ៉ាងណាក៏ដោយ បញ្ហាពុកធ្មេញនៅតែអាចចាប់ផ្តើមមុនពេលធ្មេញដុះជាដាច់ខាត។ ហេតុនេះដើម្បីរក្សាសុខភាពមាត់ធ្មេញរបស់កុមារឱ្យរឹងមាំមិនបង្កឱ្យមានរបួសអ្វីឡើយ ការផ្តល់ឱ្យកូនរបស់អ្នកផឹកទឹកគឺជាជម្រើសដ៏ល្អបំផុត។
3. រាគ
សូមចងចាំថា រាងកាយរបស់កុមារមួយចំនួនអាចមានបញ្ហាក្នុងការរំលាយជាតិស្ករនៅក្នុងផ្លែឈើ និងបន្លែ។ កំហាប់នៃជាតិស្ករគឺខ្ពស់ណាស់នៅក្នុងទឹកផ្លែឈើ ដែលអាចបណ្តាលឱ្យរាគបាន ហើយបញ្ហានេះក៏អាចប៉ះពាល់ដល់ការលូតលាស់ផងដែរ រួមទាំងបញ្ហានៃការអភិវឌ្ឍន៍ក្នុងវិស័យផ្សេងៗរបស់កុមារផងដែរ។
ប្រភព៖ បរទេស
ព័ត៌មានថ្មីៗ
