ចែកឲ្យប្រុសៗបានដឹងផង! ប្រយ័ត្នលើសឈាម ទឹកនោមផ្អែម ដោយសារទម្លាប់អាក្រក់ ៤ នេះ
ទម្លាប់អាក្រក់ទាំង ៤ ខាងក្រោមនេះ សម្រាប់បុរសប្រសិននៅតែបន្តធ្វើ នោះមិនយូរទេ រាងកាយនឹងប្រឈមជំងឺរាំរ៉ៃដូចជាលើសឈាម ទឹកនោមផ្អែម ជំងឺបេះដូង ពោលនឹងនាំឲ្យអាយុខ្លីដោយមិនដឹងខ្លួន៖
៤) ការទទួលទានមិនទៀងទាត់
មនុស្សជាច្រើនដោយសារតែរវល់ពេក ឬទទួលរងសម្ពាធការពារ ក៏នាំឲ្យពួកគេ មានទម្លាប់ទទួលទានអាហារមិនទៀងទាត់។ នេះវាពិតជាប៉ះពាល់សុខភាពយ៉ាងធ្ងន់ធ្ងរ នាំឲ្យមុខងាររំលាយអាហារធ្លាក់ចុះ ហើយការស្រូបយករបស់ក្រពះ និងពោះវៀន ក៏មិនល្អដែរ ហើយថែមទាំងផ្តុំជាតិពុលក្នុងរាងកាយច្រើនទៀតផង។
ទម្លាប់បែបនេះយូរទៅ នឹងធ្វើឲ្យប្រព័ន្ធការពាររាងកាយចុះខ្សោយ ប្រឈមការកើតមានជំងឺក្រពះពោះវៀន មុខងារខួរក្បាលចុះខ្សោយ ស្រកទម្ងន់ស្រកខ្លាំងឡើងទម្ងន់ឡើងខ្លាំង ហើយឆាប់ចាស់ជាងវ័យ ជារួមមិនល្អនោះទេសម្រាប់សុខភាព។
៣) មនុស្សខ្ជិលហាត់ប្រាណ
សម្រាប់បុរសៗត្រូវចាំ បើឆ្លៀតពេលជួបជុំមិត្តភក្តិនៅខាងក្រៅបាន ក៏គួរតែឆ្លៀតពេលហាត់ប្រាណឲ្យបានផងដែរ។ ជាលទ្ធផលប្រសិនរាងកាយ មានឆ្លងកាត់ការហាត់ប្រាណជាប់លាប់ នោះវានឹងបញ្ចេញជាតិពុល ធ្វើឲ្យចរន្តឈាមដើរស្រួល មិនងាយឈឺទេ។
ការហាត់ប្រាណពិតជាសំខាន់ណាស់ វាចូលរួមចំណែកជួយឲ្យយើងអាយុវែង ហើយបើមនុស្សអង្គុយធ្វើការយូរទៀត គឺចាំបាច់ត្រូវតែធ្វើលំហាត់ប្រាណជាប្រចាំ ជៀសវាងការបង្កជំងឺធាត់ ខ្លាញ់រុំបេះដូង ទឹកនោមផ្អែម និងមហារីកមួយចំនួន។
២) មនុស្សមានទំនោរផ្លូវចិត្តអវិជ្ជមាន
ប្រសិនអ្នកជាមនុស្សប្រុស ដែលរមែងតែគិតពីរឿងមិនល្អច្រើនក្នុងជីវិត នោះដូចជាប្រមូលផ្តុំភាពស្រ្តេសមកកកកុញក្នុងខួរក្បាល ហើយនាំឲ្យចរន្តឈាមដើរមិនស្រួលឡើយ។
អ្នកឆាប់មានការបាក់ទឹកចិត្ត ឆាប់បន្ទោសខ្លួនឯង វាជាទម្លាប់មិនល្អឡើយ ពោលគឺត្រូវតែផ្លាស់ប្តូរ ហើយត្រូវដឹង ទម្លាប់នេះ សោតក៏អាចប៉ះពាល់ដល់អាយុជីវិតយ៉ាងខ្លាំងផងដែរ។ ល្អផ្លូវកាយ មិនសប្បាយផ្លូវចិត្ត ក៏អាចឲ្យមនុស្សអាយុខ្លីដូចគ្នា។
១) មានភាពតានតឹងច្រើន
មនុស្សដែលទទួលរងភាពតានតឹងច្រើន មិនថាតែមុនពេលមានគ្រួសារ ឬមានគ្រួសារហើយ ប្រសិនសម្ពាធ ចេះតែបន្ថែម ចេះតែបន្តកើនឡើង នោះអ្នកក៏ប្រឈមនឹងការថយចុះ ឬអសមត្ថភាពសរីរាង្គមួយចំនួនក្នុងរាងកាយ។
ដូច្នេះយកល្អ អ្នកគួរតែឆ្លៀតសម្រាកឲ្យបានច្រើន យកពេលវេលាជជែកជាមួយមិត្តភក្តិ ធ្វើដំណើរកម្សាន្ត ចេញទៅសម្រាកលំហែកាយ ដើម្បីបន្ធូរបន្ថយសម្ពាធបានខ្លះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
