ស្រ្តីចិន រស់បានដល់អាយុ ១០៦ ឆ្នាំ មានទម្លាប់លូកអាហារពេលព្រឹកនិងភេសជ្ជៈទាំង ៦ នេះ
លោកស្រី Soong Mei-Ling ជាស្រ្តីដ៏មានឥទ្ធិពលមួយក្នុងប្រទេសចិន ហើយលោកស្រីអាចរស់នៅដល់អាយុ ១០៦ ឆ្នាំ។ កើតនៅថ្ងៃទី ៤ មិនា ឆ្នាំ ១៨៩៨ មុនត្រូវបានទទួលមរណភាពនៅថ្ងៃទី ២៣ តុលា ឆ្នាំ ២០០៣។
សម្រស់របស់លោកស្រីត្រូវបានគេទទួលស្គាល់ ថាជាមនុស្សវ័យចំណាស់ដែលស្រស់ស្អាតដាច់គេមួយនៅប្រទេសចិន ដោយកាលលោកស្រីនៅអាយុ ៦០ ឆ្នាំ គឺមើលមិនដឹងថាចាស់នោះទេ។ យ៉ាងណាមុនជួយឲ្យលោកស្រីអាចរស់នៅដល់អាយុវែង ដែលជាតួលេខមនុស្សជាច្រើនប្រាថ្នាចង់បាន នោះក៏ដោយសារតែលោកស្រីបានយកចិត្តទុកដាក់ខ្ពស់ខ្លាំងណាស់លើរបបអាហារ ពោលគឺឲ្យមានតុល្យភាពគ្រប់សារធាតុចិញ្ចឹមទាំងអស់។
បើតាមឯកសារចងក្រងទុកពីរបបអាហាររបស់លោកស្រី Soong Mei-Ling នៅទម្លាប់អាហារពេលព្រឹក លោកស្រីប្រកាន់ខ្ជាប់នៅការផ្លាស់ប្តូររបបអាហារ ៤ ខាងក្រោមជាប្រចាំ៖
៤) បបរធញ្ញជាតិ: អាហារនេះមានជាតិសរសៃរលាយច្រើន ជួយកាត់បន្ថយកូលេស្តេរ៉ុលអាក្រក់ក្នុងឈាម។
៣) បបរពុទ្រាក្រហម: អាហារនេះ ប្រៀបដូចជាថ្នាំ និងផលិតផលលើកសម្រស់ ហើយវាក៏ជួយបំប៉នឈាមនិងប្រព័ន្ធដង្ហើមឲ្យដើរស្រួល។
២) បបរគ្រាប់ឈូក: វាជាថ្នាំបញ្ចុះកម្តៅរាងកាយ មានប្រសិទ្ធភាពកម្ចាត់ជាតិពុល ជួយឲ្យស្បែកស្រស់ស្អាត ការពារជំងឺមហារីក និងជំរុញដល់ការរំលាយអាហារឲ្យដំណើរការល្អ។
១) បបរក្រូច: ដោយសារតែសត្វក្រួច វាមានសារធាតុចិញ្ចឹមខ្ពស់ជាងសាច់មាន់ ត្រី និងសាច់គោ ហើយវាក៏ងាយនឹងរំលាយ រួចសម្បូរទៅដោយសារធាតុ Chondroitin និងសារធាតុចិញ្ចឹមដ៏អស្ចារ្យជាច្រើន។
បន្តទៅដល់ភេសជ្ជៈ ២ ប្រភេទដែលលោកស្រីលើកមកទទួលទានជាប្រចាំ ដើម្បីជួយឲ្យទទួលបានអាយុវែងគឺមានដូចខាងក្រោម៖
១) ទឹកក្ដៅឧណ្ហ៍ៗ: លោកស្រីមិនទម្លាប់ទទួលទានទឹកត្រជាក់ទេ ដោយរមែងទទួលទានទឹកក្ដៅឧណ្ហ៍ៗ ព្រោះវាជួយបង្កើនសមត្ថភាពនៃប្រព័ន្ធរំលាយអាហារ និងកាត់បន្ថយហានិភ័យនៃការប្រមូលផ្តុំជាតិខ្លាញ់។
២) តែបៃតង
សារធាតុ Polyphenols នៅក្នុងតែបៃតង ពេលរលាយក្នុងទឹក វានឹងបង្កើតជាសារធាតុប្រឆាំងអុកស៊ីតកម្មមកកាន់រាងកាយ ដោយវាប្រឆាំងទាំងភាពចាស់ ថែរក្សាស្បែកឲ្យក្មេងជាងវ័យ កាត់បន្ថយផលប៉ះពាល់ពីកាំរស្មី UV និងជំងឺផ្សេងៗ។ ចំណែកឯផ្លែឈើ ក៏លោកស្រីទម្លាប់ទទួលទានញឹកញាប់ដែរ មានដូចជា គីវី, ឪឡឹក, ស្វាយ និងផ្លែប៉េសជាដើម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
