ដឹងចរិតមនុស្សច្បាស់ដូចថ្ងៃ តាមរយៈសភាពសសៃសក់ ដឹងថារាប់អានបាន ឬមិនបាន?
សក់របស់មនុស្សមានលក្ខណៈខុសៗគ្នា យោងទៅតាមហ្សែនរបស់មនុស្សម្នាក់ៗ។ លក្ខណៈសំខាន់ៗនៃសក់ អាចប្រាប់ពីបុគ្គលិកលក្ខណៈរបស់មនុស្សនោះថាជាគេជាមនុស្សបែបណា? តោះសាកទៅតាមដានទាំងអស់គ្នា ។
1.សសៃសក់មានលក្ខណៈតូចឆ្មារ
អ្នកដែលមានសក់ប្រភេទនេះជាមនុស្សមានចរិយាមាយាទល្អ គួរឱ្យស្រលាញ់ ប៉ុន្តែមានទំនោរជាសុខភាពមិនសូវរឹងមាំប៉ុន្មានទេ ។
2. សសៃសក់ដែលមើលទៅក្រាស់និងរឹងមាំ
ជាមនុស្សព្រមទទួលយកការពិត ពូកែរៀបចំគម្រោង និងការដឹងទុកជាមុន ចំពោះមនុស្សប្រុសគឺជាសញ្ញានៃភាពរឹងរូស ។
3. លក្ខណៈសក់ខ្លី ស្តើង
ជាមនុស្សងាយប៉ះទង្គិចផ្លូវអារម្មណ៍ ស្មោះត្រង់ មើលពីសំបកក្រៅរឹងមាំ តែចរិតពិតទន់ជ្រាយ និងទន់ភ្លន់ណាស់ ។
4. លក្ខណៈសក់ខ្មៅក្រិប
ជាមនុស្សមានចំណង់ខ្ពស់ និងពោរពេញដោយថាមពល ស្រឡាញ់យុត្តិធម៌ គួរឲ្យចង់ចូលក្បែរ ។
5. លក្ខណៈសក់ខ្មៅ សសៃតូច
ជាមនុស្សដែលមានបញ្ញាល្អ មានភាពវៃឆ្លាត មនុស្សល្មមៗតាមមិនទាន់ទេ ។
6. លក្ខណៈសក់ក្រាស់ និងគ្រើម
ជាមនុស្សមានចរិតក្រោធក្រាត មិនចេះទន់ភ្លន់ ច្រងេងច្រងាង មិនសូវចេះប្រយ័ត្នប្រយែង។
7. សក់សសៃតូចឆ្មារ រួញទឹករលក
ជាមនុស្សឆាប់ប៉ះទង្គិចផ្លូវអារម្មណ៍ និងបើកចំហរ មានមនោសញ្ចេតនា ទំនងជាមានមិត្ដភក្ដិច្រើន ពូកែធ្វើជំនួញ ។
8. សក់មានពណ៌ស្រាលៗ
មនុស្សដែលមានចរិតត្រូវការយកចិត្តទុកដាក់ជាពិសេស និងប្រកបដោយឧត្តមគតិ មានភាពយឺតយ៉ាវផ្នែកវេជ្ជសាស្រ្តបន្តិច មានន័យថាខ្វះជីវជាតិ ស្លេកស្លាំង។
9. សក់ដែលមានពណ៌ស្រាល និងសរសៃតូចឆ្មារ
ជាមនុស្សមានចរិយាមាយាទល្អ ដឹងពីរបៀបធ្វើសកម្មភាពសមរម្យតាមកាលៈទេសៈ ជាមនុស្សយកចិត្តទុកដាក់មនុស្សជុំវិញខ្លួន ។
10. សក់ដែលមើលទៅគ្រើមៗ
តំណាងឲ្យមនុស្សសាមញ្ញ និងជាមនុស្សសម្ភារៈនិយម ងប់ងល់នឹងវត្ថុជាជាងគិតពីចិត្តគំនិត ។
11. សក់ពណ៌ក្រហម
សក់ពណ៌ក្រហមជាលក្ខណៈធម្មតារបស់មនុស្សដែលឆាប់ខឹង ប៉ុន្តែតាមពិតវាជាសញ្ញានៃនិស្ស័យរឹងរូស ទាំងអារម្មណ៍ល្អ និងអាក្រក់នៅក្នុងខ្លួនពួកគេ គឺពិតជាពិបាកនឹងផ្គាប់ចិត្ត។
12. សក់រួញអង្គារដី
តំណាងឱ្យភាពស្វាហាប់ រឹងប៉ឹង រឹងរូស និងក្លាហាននៅក្រោមសម្ពាធ លាក់បាំងសេចក្តីសប្បុរសនៅក្នុងខ្លួន ។
13. សក់វែងអន្លាយ
ស្ត្រីដែលមានសក់វែងជាមនុស្សងាយប្រែប្រួល ឧស្សាហ៍ព្យាយាម ស្មោះត្រង់ បើបុរសសក់វែង បង្ហាញពីការស្រលាញ់ធម្មជាតិ និងចូលចិត្តធ្វើឱ្យខ្លួនឯងក្លាយជាចំណុចចាប់អារម្មណ៍ ៕
ប្រភព៖ Knongsrok
ព័ត៌មានថ្មីៗ
