អត់ធាត់ទេ ឈប់ច្រឡំទៅ! ផឹកទឹកដោះគោមួយកែវមុនចូលគេង នាំប្រយោជន៍ ៤ នេះវិញទេ
ការទទួលទានទឹកដោះគោមួយកែវមុនចូលគេង តើអាចនាំឲ្យអ្នកឡើងទម្ងន់មែនទេ? ចម្លើយគឺអត់ ទេ ហើយប្រាកដជានឹងធ្វើឲ្យអ្នកភ្ញាក់ផ្អើល ព្រោះវាមានតែនាំប្រយោជន៍ទៅវិញ៖
៤) បន្ថែមគុណភាពនៃការគេង
ទឹកដោះគោមានផ្ទុកសារធាតុ tryptophan និង malatonin ដែលវាជួយឲ្យអ្នកអាចគេងលក់ស្រួល និងឆាប់គេងលក់ជាងមុន។ សារធាតុនេះវាក៏ដើរតួយ៉ាងសំខាន់ ក្នុងការផលិតសារធាតុ serotonin ដែលជួយឲ្យអ្នកមានអារម្មណ៍ល្អប្រសើរឡើង ហើយជួយកាត់បន្ថយការធុញថប់អារម្មណ៍ និងការធ្លាក់ទឹកចិត្ត។
៣) បង្កើនសាច់ដុំ មិនមែនបង្កើនទម្ងន់
ការផឹកទឹកដោះគោមួយកែវមុនពេលចូលគេង មិនបានបណ្តាលឲ្យអ្នកឡើងទម្ងន់របស់អ្នកនោះទេ ដោយទឹកដោះគោមួយកែវ ត្រឹម ២៤០ ម.ល វាពុំមែនជាប្រភពនៃកាឡូរីនាំឲ្យឡើងគីឡូរាងកាយឡើយ។ [ប៉ុន្តែត្រូវប្រាកដថា ជ្រើសរើសទឹកដោះគោមានជាតិខ្លាញ់ទាប]
ផ្ទុយទៅវិញ វាមានផ្ទុកនូវប្រូតេអ៊ីនដែលហៅថា casein និង whey ហើយវាអាចបង្កើនម៉ាសសាច់ដុំ ជួយឲ្យរាងកាយរឹងមាំទៅវិញ។
២) ជួយការពារជំងឺពុកឆ្អឹង
ទឹកដោះគោមានវីតាមីន D ខ្ពស់ ដែលរាងកាយត្រូវការដើម្បីស្រូបយកកាល់ស្យូម ហើយជួយឲ្យឆ្អឹងមានសុខភាពល្អ។ វាក៏ជួយឲ្យរាងកាយឆាប់ទទួលបានភាពជាសះស្បើយពីរបួសអ្វីមួយ និងបំពេញបន្ថែមនូវវីតាមីន D។
ជាងនេះ វីតាមីន D វាល្អខ្លាំង ជួយការពារជំងឺពុកឆ្អឹង ជំងឺបេះដូង និងសូម្បីតែជំងឺទឹកនោមផ្អែមថែមទៀតផងដែរ។
១) ជួយឲ្យស្បែកស្អាត
ការផឹកទឹកដោះគោមុនពេលចូលគេង ក៏មានប្រយោជន៍ជាច្រើនសម្រាប់ស្បែក ដោយវាមានផ្ទុកនូវវីតាមីន B12 ជួយការពារភាពយឺតនៃស្បែក និងការបាត់បង់កូឡាជែន។ ដោយឡែកវីតាមីន A ដែលមានក្នុងទឹកដោះគោ ក៏ជួយដល់ការបង្កើតកោសិកាថ្មី និងប្រឆាំងជំងឺផ្សេងៗ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
