តោះ! សាកល្បងរើសចានមួយតាមចំណូលចិត្តអ្នក ដើម្បីដឹងថា អ្នកជាប្រភេទមនុស្សបែបណា?
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលការគិត និងបុគ្គលិកលក្ខណះពិតខ្លួនឯង តាមរយៈការជ្រើសរើសចានមួយដែលអ្នកចូលចិត្តបំផុត ហើយអានចម្លើយពិតរបស់អ្នកនៅខាងក្រោម ។
ចានទី 1
អ្នកកំពុងរីករាយនឹងជីវិត ពេញចិត្តនូវអ្វីដែលខ្លួនមានមិនចង់ងើយមើលទៅលើពេកទេព្រោះខ្លាចបាក់ក ចង់ធ្វើអ្វីសន្សឹមៗសំខាន់ដើរលើផ្លូវសុវត្ថិភាព ។
លើសពីនេះអ្នកក៏មានចិត្តទូលាយ និងមានចិត្តសប្បុរសផងដែរ ព្រោះអ្នកគិតថាការផ្តល់ឲ្យវាមានន័យ ។
ជារឿយៗអ្នកមិនចង់ក្លាយជាមេដឹកនាំ ឬចាំតែដើរតាមគេនោះទេ តែអ្នករាល់គ្នាពេញចិត្តនឹងដើរតាមអ្នក ខណៈពេលដែលអ្នកអាចបំពេញការងារតែម្នាក់ឯងបានយ៉ាងស្រួល។
ចានទី 2
អ្នកជាមនុស្សដែលនៅក្បែរហើយមានសេចក្ដីសុខ មនុស្សគ្រប់គ្នានឹងងាកមករកអ្នកពេលពួកគេមានការលំបាក ឬត្រូវការជំនួយ ហើយអ្នកតែងតែជួយពួកគេវិញដែរ ដោយសារតែអ្នកដឹងថាទម្លាប់ល្អតែងតែបង្កើតរឿងអស្ចារ្យ ។
អ្នកផ្សេងមើលឃើញថាអ្នកជាទីប្រឹក្សាដ៏ល្អម្នាក់ ព្រោះអ្នកមិនវាយតម្លៃ ឬមាក់ងាយនរណាម្នាក់ទេ។
ហើយអ្នកជឿថាមនុស្សតែងតែពឹងគ្នាទៅវិញទៅមក ជីវិតមនុស្សមានទុក្ខម្តងម្នាក់ ម្ល៉ោះហើយអ្នកមិនដែលខកខាននឹងជួយមនុស្សដែលកំពុងជួបទុក្ខឡើយ ។
ចានទី 3
អ្នកជាមនុស្សរឹងមាំ និងមានស្ថេរភាព អ្នកនឹងព្យាយាមរក្សាសន្តិភាពក្នុងជីវិតឱ្យបានច្រើនតាមដែលអាចធ្វើទៅបាន។
ពីមួយថ្ងៃទៅមួយថ្ងៃ អ្នកមិនចង់ចំណាយពេលឥតប្រយោជន៍ទេ អ្នកចង់រស់នៅក្នុងជីវិតដ៏មានន័យ ចង់ទៅដល់គោលដៅឲ្យបានឆាប់ ។
តែបើទោះបីជាអ្នកឧស្សាហ៍ព្យាយាមខ្លាំងយ៉ាងណាក៏ដោយ មានពេលខ្លះអ្នកក៏ចេះហត់នឿយ អស់កម្លាំងដែរព្រោះអ្នកមិនមែនជាមនុស្សយន្តទេ តែអ្នកនឹងទៅដល់គោលដៅសូមកុំបាក់ទឹកចិត្ត ។
ចានទី 4
អ្នកជាមនុស្សដែលមិនចេះមាក់ងាយអ្នកដទៃទេ អ្នកអាចទទួលបានអ្វីដែលពួកគេមាន ហើយក៏មិនចូលចិត្តនៅកន្លែងដែលគេមិនឲ្យតម្លៃអ្នកដែរ អ្នកស្អប់ការមើលលើមើលក្រោមណាស់ ។
មិនថាអ្នកធ្វើអ្វីក៏ដោយ អ្នកតែងតែចូលចិត្តធ្វើផែនការទុកជាមុន ពេលខ្លះត្រូវគ្រោងទុករាប់ខែឯណោះ នោះក៏ព្រោះអ្នកជាមនុស្សហ្មតចត់ មិនចង់ចំណាយពេលធ្វើអ្វីមួយ ហើយអត់បានលទ្ធផលមកវិញទេ ។
លើសពីនេះអ្នកពិតជាមនុស្សឆ្លាត បើទោះជាសំបកក្រៅមើលទៅធម្មតាៗក៏ដោយ តែនៅពេលជួបមនុស្សដែលចង់ខ្សែលើអ្នកនឹងប្រដៅគេឲ្យដឹងដៃជាមិនខាន ៕
ប្រភព៖ Knongsrok
ព័ត៌មានថ្មីៗ
