Ferdinand ព្រមានឲ្យ United ប្រយ័ត្នរឿងនេះ បើមិនចង់ឲ្យ City លុត ៤-៥ គ្រាប់ស្រួលៗ
អតីតជើងចាស់លោក Rio Ferdinand បានបង្ហាញការយល់ឃើញពីចំណុចខ្វះខាតរបស់ក្លឹប Man Utd ក្រោយចប់ការប្រកួតទល់ Atalanta កាលពីយប់មិញ។ ដ្បិតបើ United អាចលេងស្មើ ២-២ ទល់ Atalanta តែមើលទៅទម្រង់លេងនៅតង់ទី ២ គឺពិតជាពិបាកទទួលយក។
ជាការពិតបើយើងមើលស្ថានភាពយប់មិញ វាពិតជាពិបាកបន្តិច សម្រាប់ក្រុម ព្រោះអីក្រោយពេល Raphael Varane របួសនិងត្រូវប្តូរចេញនៅនាទី ៣៨ ហើយជំនួសមកវិញដោយខ្សែប្រយុទ្ធ Mason Greenwoodក៏នាំឲ្យប្រព័ន្ធលេងរបស់ក្រុមទាំងមូលមានការធ្លាក់ចុះ ហើយរាងច្របូកច្របល់បន្តិច។
តាមការបញ្ជាក់របស់ Ferdinand ប្រាប់ទៅ BT Sport និយាយថា៖ "United មិនអាចលេងរបៀបហ្នឹង [ការលេងនៅតង់ទី ២] មកបង្ហាញទល់ City នោះទេ ព្រោះបើបន្តបែបហ្នឹង ពួកគេនឹងត្រូវ City ហូបទក់សាច់ ៣ ៤ ឬ ៥ គ្រាប់ ព្រោះនេះពួកគេមើលស្រាលគូប្រជែងពេក"។
គួរបញ្ជាក់ថា ប៉ះ City នៅថ្ងៃសៅរ៍ខាងមុខ ប្រសិនលោក Ole ចង់បន្តប្រើប្រាស់ប្រព័ន្ធ ៣-៥-២ ហើយ Varane ត្រូវអវត្តមាន នោះគឺអាចពិបាក ដោយមិនដឹងយកនរណាមកជំនួសឡើយ ពោលគឺមានតែបង្ខំចិត្តយកកីឡាករលេងតំណែងការពារស្លាប មកលេងនៅកណ្តាលតែប៉ុណ្ណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
