ភេសជ្ជៈ ៤ ជា “ស្តេចវីតាមីន C” បង្កើនការផលិតកូឡាជែន ដែលស្រីៗមិនគួរមើលរំលង
កូឡាជែនក្នុងរាងកាយរបស់ស្រ្តី គឺពិតជាសំខាន់ណាស់ ព្រោះបើវាធ្លាក់ចុះហើយ គឺគ្រប់យ៉ាងលើរាងកាយ ក៏នឹងប្រែទៅជាក្រៀមក្រោះ លែងស្រស់បំព្រងដូចមុន។ ជាពិសេសស្រ្តីក្រោយអាយុ ៣០ ឆ្នាំ បើចង់បន្តភាពក្មេងជាងវ័យ គួរតែសម្លឹងមើលភេសជ្ជៈទាំង ៤ ខាងក្រោម៖
៤) ទឹកក្រូច+ខ្ញី
ក្នុងផ្លែក្រូច ១០០ ក្រាម មានផ្ទុកវីតាមីន C ៦៤ ភាគរយ ដែលវាអាចជួយបង្កើនដំណើរការផលិតកូឡាជែន រីឯខ្ញីមានផ្ទុកសារធាតុប្រឆាំងការរលាក ប្រឆាំងអុកស៊ីតកម្ម។
ដូច្នេះការទទួលទានទឹកខ្ញីលាយក្រូច មួយកែវរៀងរាល់ព្រឹក គឺពិតជាសំខាន់ វាអាចជួយឲ្យស្បែករបស់អ្នកក្មេងជាងវ័យ រាងកាយមានសុខភាពល្អ និងកាត់បន្ថយជាតិខ្លាញ់លើសយ៉ាងមានប្រសិទ្ធភាព។
៣) ទឹកស្វាយ+គីវី
គីវីមិនសូវផ្អែមនោះទេ តែសម្បូរដោយសារធាតុចិញ្ចឹម ហើយក៏មានវីតាមីន C និងជាតិសរសៃច្រើន ក៏ដូចជាសារធាតុរ៉ែសំខាន់ៗផ្សេងផងដែរ។ រីឯផ្លែស្វាយក៏មាននៅវីតាមីន A ជួយប្រឆាំងអុកស៊ីតកម្ម ធ្វើឲ្យស្បែកស្រស់ថ្លាឡើងវិញ។
ហេតុនេះហើយការទទួលទានផ្លែឈើទាំង ២ ក្រឡុកចូលគ្នា អាចធ្វើឲ្យស្បែកតឹងណែនល្អ ប្រឆាំងភាពយារធ្លាក់ និងព្យាបាលមុនលើស្បែកយ៉ាងមានប្រសិទ្ធភាពថែមទៀតផង។
២) ទឹកស្រ្តបឺរ៊ី
វាមានសារធាតុម្យ៉ាងគេឲ្យឈ្មោះថា អាស៊ីដអេលលេកិក ដែលវាធ្វើការដើម្បីការពារសរសៃកូឡាជែន ពីការបំផ្លាញដោយកាំរស្មី UV។ ទន្ទឹមនេះសារធាតុខាងលើ ក៏វាការពារស្បែកពីផលប៉ះពាល់អាក្រក់ពីបរិស្ថានខាងក្រៅដូចជាផ្សែងនិងធូលី។
លើសពីនេះវាក៏មាននូវវីតាមីន C ផ្តល់សារធាតុចិញ្ចឹមសម្រាប់រាងកាយ ហើយអាចជួយឲ្យស្បែកស្អាត រលោង និងបំបាត់ភាពចាស់។
១) ទឹកផ្លែត្របែក
ក្នុងផ្លែត្របែក ១០០ ក្រាម មានវីតាមីន C ២២៨ មិល្លីក្រាម ដែលវាក៏មានជាតិសរសៃច្រើន មានវីតាមីន A អាស៊ីដហ្វូលិក ដែលវាជួយដាក់កំហិតអុកស៊ីតកម្មរបស់ស្បែកយ៉ាងមានប្រសិទ្ធភាព ដូច្នេះការទទួលទានទឹកត្របែកអាចកាត់បន្ថយភាពជ្រីវជ្រួញ ស្នាមអុជខ្មៅ ជាំលើស្បែកជាដើម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
