បម្រើអាជីព ២០ ឆ្នាំហើយ Klopp ថាមិនដែលប៉ះអ្នកចាត់ការណា ពិបាកដូចម្នាក់នេះទេ
លោក Jurgen Klopp បានប្រលូកក្នុងអាជីពជាអ្នកចាត់ការលើកដំបូងបង្អស់ នៅក្លឹប Frankfurt កាលពីឆ្នាំ ១៩៨៨ (ថ្នាលយុវជន) ហើយបន្តមកដឹកនាំក្លឹប Mainz 05, Dortmund និង Liverpool ទល់សព្វថ្ងៃ។ ឆ្លងកាត់រយៈពេលជាង ២០ ឆ្នាំមកនេះ លោកបានហែលកាត់ការតតាំងក្រុមគូប្រជែងខ្លាំងៗជាច្រើនរាប់ភ្លេច ជាពិសេសបទពិសោធន៍ដឹកនាំនៅលីគកំពូលអង់គ្លេស។
អ្នកចាត់ការសញ្ជាតិអាល្លឺម៉ង់ កន្លងទៅនេះ បានលើកឡើងពីឈ្មោះគ្រូដែលលោកគិតថាពិបាកនឹងតតាំងបំផុត ហើយចម្លើយរបស់លោក គឺជាលោក Pep Guardiola នៃក្រុមរួមលីគ Manchester City។
Klopp និយាយថា៖ "សម្រាប់ខ្ញុំ អ្នកចាត់ការល្អបំផុតក្នុងលោក គឺ Pep Guardiola តែខ្ញុំមិនច្បាស់ថា ខ្ញុំនិយាយនេះត្រូវឬអត់ទេ តែជាការពិត ការលេងតទល់ក្រុមដឹកនាំដោយ Pep គឺពិតជាពិបាកលេងខ្លាំងណាស់"។
គួរបញ្ជាក់ថា នៅរដូវកាល ២០២១/២២ ក្រុមលោក Klopp និងលោក Pep បានប៉ះគ្នាម្តងហើយ ដោយនៅជើងទី ១ ក្រុមទាំងពីរបញ្ចប់លទ្ធផលត្រឹមស្មើ ២-២ ខណៈជើងទី ២ ត្រូវលេងខែមេសាឯណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
