អតីតកីឡាករ Liverpool ទេ ប៉ុន្តែព្យាករណ៍ឱ្យហង្សក្រហមចាញ់ Man Utd ដោយសារមួយចំនុចនេះ
Jamie Carragher គិតថា Man United នឹងអាចយកឈ្នះ Liverpool នៅយប់នេះ។ និយាយទៅកាន់ Sky Sports លោក Carragher បានឃើញកត្តាជាច្រើនដែលធ្វើឱ្យលោកពេញចិត្ត Manchester United ។
ទីមួយ ក្រុមរបស់លោក Ole Gunnar Solskjaer បច្ចុប្បន្នកំពុងស្ថិតក្រោមសម្ពាធ បន្ទាប់ពីលទ្ធផលជាច្រើនដែលមិនពេញចិត្តរបស់ពួកគេក្នុងប៉ុន្មានប្រកួតចុងក្រោយនេះ។ បន្ទាប់មក ការទទួលបានលទ្ធផលឡើងវិញពេលលេងឈ្នះក្រុម Atalanta ក្នុងពាន UCL ត្រូវបានចាត់ទុកថាជាការប៉ូវកំលាំងដ៏មានតម្លៃសម្រាប់ពួកគេក្នុងការទទួលបានសន្ទុះឆ្ពោះទៅរកការប្រកួតនេះ។
មិនត្រឹមតែប៉ុណ្ណោះ Carragher ក៏មានអារម្មណ៍ថាបរិយាកាសនៃកីឡដ្ឋាន Old Trafford ត្រលប់មកវិញ ជាមួយនឹងការអបអរសាទរពីអ្នកគាំទ្រក៏នឹងធ្វើឱ្យក្រុមរបស់លោក Ole Gunnar Solskjaer កាន់តែមានភាពសាទរ គួបផ្សំនឹងកំណត់ត្រារបស់លោក Klopp ក្នុងការឈ្នះតែម្តងគត់នៅទឹកដី Old Trafford ។
Man United មិនបានឈ្នះឡើយក្នុងការប្រកួតលីគចំនួន 3 លើកចុងក្រោយរបស់ពួកគេដោយចាញ់ Aston Villa និង Leicester City ហើយបានត្រឹមស្មើជាមួយ Everton។ ប៉ុន្តែការលេចចេញជាថ្មីនៅក្នុងសកម្មភាព UCL មុននេះនឹងផ្តល់នូវថាមពលថ្មីឱ្យក្រុមបិសាចក្រហម។
Carragher បាននិយាយថា៖ “ ខ្ញុំអាចមើលឃើញថា United នឹងឈ្នះការប្រកួតនេះ។ ការងើបឡើងវិញរបស់ពួកគេនៅយប់ថ្ងៃពុធ នឹងក្លាយជាកម្លាំងរុញច្រានដ៏សំខាន់របស់ពួកគេ ព្រមទាំងបរិយាកាសនៅ Old Trafford នឹងមានភាពអស្ចារ្យជាពិសេសនៅពេលចាប់ផ្តើម”។
Carragher បានបញ្ជាក់បន្ថែមថា Liverpool តែងតែពិបាកយកឈ្នះនៅ Old Trafford ។
"Liverpool តែងតែតស៊ូដើម្បីឈ្នះនៅ Old Trafford អស់រយៈពេលជាយូរមកហើយ បើទោះបីជាពួកគេនាំយកក្រុម Liverpool ដ៏អស្ចារ្យក៏ដោយ វាតែងតែជាកន្លែងដែល Liverpool តែងតែជួបការលំបាក"។
"តាមពិតទៅ ក្នុងសម័យ Klopp វាមានអារម្មណ៍ថាគាត់ឈ្នះតែម្តងគត់នៅទីនោះ ហើយតែងតែឆ្លងកាត់ការប្រកួតដ៏ស្វិតស្វាញមិនថា ក្នុងកាលៈទេសៈបែបណា និងគុណភាពបែបណារបស់ Man United"។
“ ប៉ុន្តែគ្មានអ្វីដែលគួរឱ្យសង្ស័យឡើយ ដែលហង្សក្រហមនឹងមកប្រកួតនេះដែលសមតែឈ្នះជាង។ ពួកគេបានបង្ហាញភាពខ្លាំងរបស់វាក្នុងរយៈពេលពីរបីឆ្នាំ ហើយនៅដើមរដូវកាលនេះ Liverpool លេងបានល្អ។ ពួកគេមានក្រុមគ្រប់គ្រាន់ដើម្បីឈ្នះ” ។
"ប៉ុន្តែទោះបីពួកគេឈ្នះក៏ដោយវានឹងពិបាកខ្លាំងណាស់"។
"Man United មានកីឡាករល្អៗមួយចំនួន ពួកគេលេងនៅផ្ទះ ដោយមានបរិយាកាសមិនគួរឱ្យជឿ ប្រឈមមុខនឹងក្លឹបដែលជារឿយៗបរាជ័យក្នុងការលេងបានល្អនៅកន្លែងរបស់ពួកគេ"។
ចាប់តាំងពីការបញ្ចប់នៃសម័យលោក Ferguson ក្រុមហង្សក្រហម Liverpool បានឈ្នះតែពីរដងប៉ុណ្ណោះនៅ Old Trafford ។ ប្រសិនបើពួកគេឈ្នះក្នុងយប់នេះ Liverpool នឹងបង្កើតសមិទ្ធផលម្តងទៀតដោយឈ្នះ ២ ដងជាប់គ្នាក្នុងការប្រកួតលីគ ជាលើកដំបូងចាប់តាំងពីឆ្នាំ ២០០២ ក្រោមការគ្រប់គ្រងរបស់លោក Gerarrd Houllier ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
