កុំស្តាយ! ប្រយ័ត្នមហារីកចូលខ្លួន ដោយសារការទទួលទានអាហារសល់ទាំង ៥ នេះ
អាហារដែលមានជីវជាតិបំផុត ក៏អាចក្លាយជាអាហារដែលមានបាក់តេរីច្រើនបំផុតផងដែរ ប្រសិនអ្នកទុកចោលដល់មួយយប់។ អាហារ ៥ ខាងក្រោម ទោះយើងរក្សាបានត្រឹមត្រូវបែបណា ក៏វានៅតែអាចបង្កើតជាបាក់តេរីដ៏ច្រើនផងដែរ ហើយយូរទៅអាចបង្កជាជំងឺមហារីកទៀតផង៖
៥) បន្លែបៃតង
បន្លែបៃតងមានជាតិសរសៃ វីតាមីន និងសារធាតុចិញ្ចឹមច្រើន តែយ៉ាងណាប្រសិនយើងទទួលទាននៅអាហារពេលល្ងាចមិនអស់ទេ ចូរកុំរក្សាវាទុកដល់ព្រឹកស្អែក ហើយលើកមកទទួលទានទៀតអី ដ្បិតបើបានរក្សាទុកក្នុងទូទឹកកកហើយក៏ដោយ។
មូលហេតុគឺដោយសារបន្លែនៅពេលទុកចោលមួយយប់ វាបានផលិតនូវជាតិនីត្រាតច្រើន ដែលនេះអាចបង្កផលប៉ះពាល់ខ្លាំងដល់សុខភាព ហើយក៏អាចវិវត្តទៅជាជំងឺមហារីកនៅពេលខាងមុខផងដែរ។
៤) ផ្សិតត្រចៀកកណ្តុរ
មិនគួរទទួលទានវាឆ្លងថ្ងៃនោះទេ ក្រោយពេលចម្អិនហើយ បើអ្នកទុកចោលមួយយប់ នោះវានឹងអាចបង្កផលប៉ះពាល់ធ្ងន់ធ្ងរដល់ប្រព័ន្ធរំលាយអាហារ។ ក្រៅពីនេះ កំឡុងពេលរក្សាទុកមួយយប់ នោះវាក៏បានបង្កើតនូវជាតិនីត្រាតច្រើន ហើយបាត់បង់ទាំងសារធាតុចិញ្ចឹម និងពេលខ្លះបង្កជាជាតិពុលនាំឲ្យឈឺក្រពះថែមទៀត។
៣) អាហារសមុទ្រ
ដូចជាបង្គា ក្តាម ត្រី ពេលទុកចោលមួយយប់ វាបានបំផ្លាញនូវសារធាតុចិញ្ចឹមល្អៗអស់ហើយ ផ្ទុយទៅវិញវាថែមទាំងដាក់សម្ពាធទៅលើថ្លើម និងតម្រងនោមទៀតផង ក៏ដោយសារតែបាក់តេរីដែលកើតឡើងកំឡុងពេលរក្សាទុកមួយយប់នោះ។ ជាទូទៅអាហារសមុទ្រ ក្រោយពេលចម្អិន អ្នកមិនគួររក្សាទុកយូរឡើយ។
២) អាហារដែលមានជាតិប្រៃ
ដូចជាឆា ឬអាហារមួយចំនួនផ្សេងទៀត ដែលមានជាតិប្រៃស្រាប់ បើផ្អាប់វាទុកចោលមួយយប់ ទោះទុកក្នុងទូទឹកកកក៏ដោយ ក៏វាងាយបង្កទៅជាផ្សិត ដែលយើងមើលមិនឃើញ នាំឲ្យយើងងាយនឹងឈឺពោះ ឬពុលជាពិសេសនៅរដូវក្តៅ។
១) ទឹកដោះគោសណ្តែក
ទឹកដោះគោសណ្តែកដែលបើកមកទទួលទានហើយ មិនគួរទុកចោលទេ ពោលត្រូវផឹកឲ្យអស់ ព្រោះក្រោយនោះ ៥ ម៉ោង វាងាយនឹងបង្កទៅជាបាក់តេរីជាច្រើន ហើយពេលទទួលទាន អ្នកងាយនឹងជួបជំងឺរាគ ឬឈឺក្រពះបាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
