អតីតវីរបុរសក្លឹបហង្ស ថា Ronaldo កំពុងបន្ថែមចំណុចអាក្រក់នេះ ដល់ Man Utd
លោក Jamie Carragher អតីតខ្សែការពារនៅក្លឹបហង្សក្រហម Liverpool បានបង្ហាញការយល់ឃើញថា វត្តមាន Cristiano Ronaldo សារនេះ បានពាំនាំនូវចំណុចអាក្រក់មួយបន្ថែមទៀតមកកាន់ក្លឹប Man Utd ដែលពីមុនមកពួកគេមានស្រាប់និងមិនទាន់កែតម្រូវបាន។
Carragher យល់ឃើញថា United ជាក្លឹបមួយដែលកីឡាករលេងជាលក្ខណៈបុគ្គល មិនបានលេងជាក្រុមសហការគ្នាល្អដូចជាបណ្តាក្លឹបឯទៀត Man City, Liverpool, Chelsea នោះទេ ហ្នឹងហើយជាហេតុផលនាំឲ្យពួកគេមិនអាចឈានដល់កម្រិតប្រជែងពានរង្វាន់បាន។ ដោយឡែក Ronaldo ដូចកំពុងមកបន្ថែមចំណុចខាងលើដល់ក្លឹបមួយកម្រិតទៀត។
ប្រាប់សារព័ត៌មាន The Telegraph លោក Carragher ថា៖ "ពួកគេ [United] នៅតែបន្តជាក្រុមលេងជាលក្ខណៈបុគ្គល មិនមែនលេងជាក្រុមនោះទេ ហើយ Cristiano Ronaldo បានមកបន្ថែមចំណុចនេះ ដោយមិនបានមកកែតម្រូវឬដោះស្រាយវាទេ"។
លោកបន្ត៖ "ហេតុផលហ្នឹងហើយ ដ្បិតបើពួកគេមានប្រព័ន្ធកីឡាករកំពូលៗ ក៏ពួកគេមិនទាន់ឈានដល់កម្រិតក្រុម ៣ ឯទៀត ហើយការរបូត ៥ ពិន្ទុនៅ ២ ប្រកួតចុងក្រោយ គឺកំពុងបង្ហាញពីភាពមិនស៊ីចង្វាក់គ្នា ដោយ Man City ឯណោះ គឺនៅតែជាក្រុមដែលពិបាកនឹងផ្តួលបាន"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
