Bonucci ថាវត្តមាន Ronaldo បានជះផលអាក្រក់មួយ ដល់ក្លឹប Juventus
ខ្សែការពាររបស់ក្លឹប Juventus គឺកីឡាករ Leonardo Bonucci បានផ្ញើសារព្រមានទៅដល់កីឡាករនៅក្លឹប Man Utd ថាកុំឲ្យមានអារម្មណ៍ ដូចកីឡាករ Juventus មួយចំនួន ដែលរងឥទ្ធិពលអវិជ្ជមានពី Cristiano Ronaldo។
នោះគឺ ការដែលពេលមាន CR7 កីឡាករមួយចំនួនរបស់ Juventus ហាក់មិនសូវខិតខំប្រឹងប្រែង ព្រោះអីគិតថា វត្តមាន Ronaldo ម្នាក់ គឺអាចគ្រប់គ្រាន់ជួយឲ្យក្រុមទទួលបានជ័យជម្នះ តែលទ្ធផលលើទីលានសបង្ហាញចេញមកគឺខុសពីការគិត។
Bonucci និយាយប្រាប់សារព័ត៌មាន The Athletic កន្លងទៅថា៖ "រឿងគឺវាត្រង់ថា ការដែលមានកីឡាករល្អបំផុតក្នុងលោកមួយរូប នៅក្រុមរបស់យើង គឺអាចធានាឲ្យ Juventus ទទួលបានជ័យជម្នះ តែវត្តមាន Cristiano នេះសោត ក៏ជះផលអាក្រក់ដល់ពួកយើងដែរ"។
លោកបន្ត៖ "ពេលហ្វឹកហាត់ គេហាក់ដូចជាអ្វីម្យ៉ាងជំរុញយើងបន្ថែម តែសម្រាប់កីឡាករមួយចំនួនក្នុងក្រុម បែរជាគិតថា វត្តមាន Ronaldo ម្នាក់គឺគ្រប់គ្រាន់ដើម្បីឈ្នះការប្រកួតបាន ហេតុហ្នឹងហើយធ្វើឲ្យពួកគេលែងសូវខំ ពួកគេមិនសូវលះបង់ខ្លាំងដូចមុន ជាដើមចមធ្វើឲ្យប៉ុន្មានឆ្នាំនេះ យើងមានការធ្លាក់ចុះ ដូចរដូវកាលមុនយើងបញ្ចប់រដូវកាលដោយឈរចំណាត់ថ្នាក់លេខ ៤"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
