ងើបមកឃើញសញ្ញា ៤ នេះក្នុងផ្ទះ គឺជាប្រផ្នូលមិនល្អទេ ចុះមានវិធីបន្សាបវិញ្ញាណអាក្រក់ទេ?
តាមជំនឿពីបុរាណបានដំណាលមកថា ប្រសិននៅពេលព្រឹក អ្នកងើបមកឃើញសញ្ញា ៤ ខាងក្រោមកើតឡើងក្នុងផ្ទះ នោះគឺជាប្រផ្នូលមិនល្អនោះទេ ហើយម្ចាស់ផ្ទះនិងសមាជិកគ្រួសារត្រូវតែមានការប្រុងប្រយ័ត្នឲ្យបានខ្ពស់ក្នុងជីវិត៖
៤) ដើមឈើក្រៀមស្វិត
យោងតាមអ្នកជំនាញហុងស៊ុយ រុក្ខជាតិខាងក្នុងផ្ទះ គឺជាចរន្តសម្រាប់លំហូរថាមពលវិជ្ជមានចូលមកផ្ទះ ទោះយ៉ាងណា បើអ្នកថែរក្សាល្អហើយ តែសុខៗវាក្រៀមស្វិតស្រពោន បែរជាខូច នោះគឺជាប្រផ្នូលនៃសំណាងមិនល្អទេ។
៣) ផ្ទះមានរបស់របរខូច
ងើបមកទាំងព្រឹក នៅខាងក្នុងផ្ទះមានរបស់របរធ្លាក់បែក ខូច ប្រេះ លែងប្រើការកើត នោះគឺជាប្រផ្នូលមិនល្អដូចគ្នា។ ជាពិសេសប្រសិននៅថ្ងៃទី ១ នៃដើមឆ្នាំថ្មី វាគឺពិតជាសំណាងអាក្រក់ខ្លាំងណាស់។
២) សុបិនឃើញត្រីងាប់
មុនក្រោកពីគេង បើអ្នកសុបិនឃើញត្រីងាប់នៅម៉ោងទាបភ្លឺ យោងតាមទស្សនៈក្បួនហុងស៊ុយ គឺជាប្រផ្នូលតំណាងឲ្យផ្លូវនៃសំណាងអាក្រក់។ បើអ្នកធ្វើជំនួញត្រូវតែប្រយ័ត្នខ្ពស់ ព្រោះអាចមានការបាត់បង់ទ្រព្យធំនៅពេលបន្ទាប់។
១) ជញ្ជាំងផ្ទះប្រេះ
ប្រសិនអ្នកឃើញស្នាមលើជញ្ជាំងផ្ទះរបស់អ្នកប្រេះ អ្នកត្រូវតែប្រញាប់រកវិធីជួសជុល ឬយកវាមកលាបឲ្យស្អាតវិញ ព្រោះវាតំណាងឲ្យភាពបែកបាក់ និងការដែលអាចមានរឿងមិនសប្បាយចិត្តនៅពេលខាងមុខ។
វិធីកម្ចាត់អបទ្រព្យចង្រៃឬវិញ្ញាណអាក្រក់ក្នុងផ្ទះ៖
អ្នកត្រូវយកអំបិលលាយជាមួយទឹក ហើយយកមកជូតសម្អាតផ្ទះ ឬរបស់របរខាងក្នុងផ្ទះ ដោយសារអំបិលជារបស់ហុងស៊ុយដែលអាចបន្សាបវិញ្ញាណអាក្រក់បាន ហើយគួរមានរុក្ខជាតិពណ៌បៃតងស្រស់ដាក់នៅលើតុអាហារ ឬតុការងារ រួចព្យាយាមស្រោចទឹកវា ឲ្យគ្រប់យ៉ាងក្នុងផ្ទះវិលមកភាពល្អប្រសើរវិញ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
