ស្រីៗមានប្រជ្រុយ ៦ ទីតាំងនេះ នឹងអាចមានបាន ៣ ជំនាន់ អស់កង្វល់រឿងលុយកាក់
ប្រជ្រុយលើទីតាំងសំខាន់មួយចំនួន នៃរាងកាយមនុស្ស តាមក្បួនគឺគេអាចព្យាករណ៍ពីជោគវាសនាទៅថ្ងៃខាងមុខ ឬព្រេងវាសនារបស់បុគ្គលម្នាក់នោះបាន ថាអាចមានបានឬអត់។ សម្រាប់អត្ថបទនេះ Knongsrok សូមបង្ហាញប្រជ្រុយនាំលាភទាំង ៦ លើដងខ្លួនស្រ្តី ហើយអ្នកមាន ១ ក្នុងចំណោមនោះឬអត់?
៦) ប្រជ្រុយលើខ្នង
ស្រ្តីដែលមានប្រជ្រុយនៅលើខ្នង តែងតែរមែងកើតមកក្នុងត្រកូលគ្រួសារដែលមានឪពុកម្តាយមើលថែទុកដាក់នាងបានល្អ តាំងតែពីបាតជើងក្រហម ហើយទៅថ្ងៃមុខ មានទ្វារទ្រព្យបើករង់ចាំជានិច្ច។
ជាពិសេសក្រោយពេលរៀបការហើយ ជីវិតនឹងកាន់តែរុងរឿង មានកូនចៅដែលអាចមានបានតជំនាន់ជាបន្តបន្ទាប់។
៥) ប្រជ្រុយលើដើមទ្រូង
ស្រ្តីដែលមានប្រជ្រុយលើទ្រូង តែងតែមានសុភមង្គលខ្លាំងពេលមានស្វាមី ហើយតាមជើងលេឃ ច្រើនតែសម្រាលបានកូនប្រុស ជាកូនដំបូង។ គាប់ជួនគ្នានោះ បើមានប្រជ្រុយនៅលើបបូរមាត់ លើមនុស្សតែមួយដែលមានប្រជ្រុយលើដើមទ្រូងទៀត នោះគឺកាន់តែសំណាងទ្វេដង។
៤) ប្រជ្រុយលើចិញ្ចើម
នៅលើចិញ្ចើម ប្រសិនស្រ្តីណាមានប្រជ្រុយលើទីតាំងនោះ ច្រើនតែជាមនុស្សពូកែខាងទំនាក់ទំនង ពោលនាំឲ្យជីវិតរបស់ពួកគេ អាចរីកសាយផ្នែកទ្រព្យយ៉ាងឆាប់រហ័ស ហើយអាចគេចផុតពីឧបសគ្គនានាក្នុងជីវិតបាន។
៣) ប្រជ្រុយលើពោះ
ប្រជ្រុយដុះចេញមកលើទីតាំងពោះ គឺតំណាងឲ្យភាពសម្បូរសម្បាយទាំងការហូបចុក ការស្លៀកពាក់ និងមិនចាំបាច់ព្រួយបារម្ភច្រើនទេ ពីបញ្ហាសេដ្ឋកិច្ចទៅពេលខាងមុខ។ ពួកគេច្រើនតែរស់នៅដោយភាពសុខសាន្តនិងសុភមង្គលដូចគេចារមកតាំងពីនាយ។ កាន់តែល្អ ប្រសិនប្រជ្រុយនោះ ដុះនៅចំទីតាំងកណ្តាលក្បាលពោះ។
២) ប្រជ្រុយនៅទីតាំងផ្នែកខាងស្តាំ នៃកកញ្ចឹងកខាងមុខ
ប្រសិនស្រ្តីនោះមានប្រជ្រុយនៅផ្នែកខាងស្តាំ នៃកញ្ចឹងកខាងមុខ នោះពួកគេនឹងកាន់តែមិនចាំបាច់ព្រួយបារម្ភអំពីបញ្ហាប្រាក់កាក់អស់មួយជីវិត ហើយលុយការចំណាយផ្សេងៗ ក៏មិនមែនជារឿងដែលអាចធ្វើឲ្យនាងសប្បាយចិត្តបំផុតដែរ។
ស្រ្តីភាគច្រើនដែលមានប្រជ្រុយនៅទីតាំងខាងលើ ច្រើនតែមានលក្ខណៈពេញលេញ ចរិតឥរិយាបថល្អ ហើយមានការគោរពស្រលាញ់ពេញចិត្តជុំទិសទី និងអាចរីករាយមានសុភមង្គលជាមួយគ្រួសារអស់មួយជីវិត។
១) ប្រជ្រុយនៅក្លៀក
ជាប្រជ្រុយនាំមកនូវសំណាងដ៏សម្បូរបែប ហើយនាំទ្រព្យដ៏ច្រើនដល់ម្ចាស់របស់ពួកគេ។ មនុស្សទាំងនេះត្រូវបានគេទស្សន៍ទាយថា នឹងមានសំណាងល្អក្នុងជីវិត មានគេតាមចែចូវ តាមមើលច្រើន ព្រោះតែច្រណែននឹងជីវិតដ៏ពេញលេញរបស់នាង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
