ក្រោយអាយុ ៣០ បន្ថយអាហារ ៤ នេះឲ្យកាន់តែតិច អាយុកាន់តែវែង ក្មេងជាងវ័យ
ប្រសិនអ្នកចង់រស់នៅមានសុខភាពល្អ អាយុវែង ក្មេងជាងវ័យ ភាពចាស់មិនងាយមកបៀតបៀន បន្ទាប់ពីអាយុ ៣០ ឆ្នាំ អ្នកគួរតែកាត់បន្ថយឬចៀសឲ្យបាននៅអាហារ ៤ ប្រភេទខាងក្រោមនេះ៖
៤) ស៊ុបកំប៉ុង
យោងតាមអ្នកជំនាញបានណែនាំថា អ្នកដែលនិយមទទួលទានស៊ុបកំប៉ុងញឹកញាប់ គឺងាយឲ្យឡើងសម្ពាធឈាម និងស្បែកឆាប់ចាស់។ ជាពិសេសសម្រាប់ស្រ្តី គឺងាយមានស្នាមជ្រីវជ្រួញ ហើយក៏ងាយកើតជំងឺមហារីក គ្មានកូន និងការកើនទម្ងន់ផងដែរ។
៣) នំផ្អែមៗពេលព្រឹក
អាហារពេលព្រឹករបស់មនុស្សភាគច្រើន និយមណាស់ជ្រើសរើសយកនំខេក ដោយគិតថាវាឆាប់ឆ្អែត និងងាយទទួលទានឆាប់រហ័ស។ យ៉ាងណាអ្នកមិនដឹងនោះទេ ថាកម្រិតជាតិស្ករខ្ពស់នៃនំនោះ គឺងាយឲ្យអ្នកប្រឈមបញ្ហាសុខភាព បាត់បង់ភាពធន់នៃរាងកាយ ក៏ដូចជាអាំងស៊ុយលីន បណ្តាលឲ្យស្រ្តីងាយនឹងគ្មានកូន។
២) សាច់អាំង
ប្រភេទអាហារចៀន និងដុត គឺជាចំណូលចិត្តរបស់មនុស្សភាគច្រើន តែយ៉ាងណា ការដុតដោយប្រើអណ្តាតភ្លើងផ្ទាល់ៗ វានាំឲ្យសាច់ទទួលរងសីតុណ្ហភាពខ្ពស់ជ្រុល ជាហេតុបណ្តាលឲ្យកើតជាជាតិគីមី និងសារធាតុ Polycyclic ហើយវាសារធាតុពុល បង្កើនហានិភ័យនៃការកើតជំងឺមហារីកក្រពះ ច្រមុះជាដើមបាន។
១) ភេសជ្ជៈកំប៉ុង
ប្រសិនអ្នកមានកូនតូចៗ ក៏ទម្លាប់ប្រាប់ពួកគេឲ្យបញ្ចៀសការទទួលទានតាំងតែពីនៅក្មេងទៅគឺល្អ។ ដោយសារភេសជ្ជៈកំប៉ុង មានផ្ទុកសារធាតុពណ៌ បង្កមហារីក និងជាប្រភពនៃការបន្ថែមជាតិស្ករលើសមកក្នុងរាងកាយ។
មិនត្រឹមតែប៉ុណ្ណោះទេ វាក៏ត្រូវបានផ្សារភ្ជាប់ទៅនឹងចលនាមេជីវិតឈ្មោល នាំឲ្យខ្សោយផងដែរ។ និយាយសាមញ្ញទៅការទទួលទានភេសជ្ជៈកំប៉ុងច្រើន នៅស្រករអាយុ ៣០ ទៅនេះ គឺងាយនឹងបណ្តាលឲ្យអ្នកមិនអាចមានកូន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
