Petr Cech ថាក្លឹប Chelsea ត្រូវធ្វើរឿងនេះ បើចង់ឈ្នះ UCL ផ្ទួនៗគ្នាដូច Real Madrid
ក្នុងប្រវត្តិសាស្រ្តពានរង្វាន់ UEFA Champions League មានតែក្លឹប Real Madrid មួយប៉ុណ្ណោះដែលធ្លាប់ឈ្នះពាន ៣ សម័យកាលជាប់គ្នា ចន្លោះឆ្នាំ ២០១៦ ដល់ ២០១៨ បន្ទាប់មកគឺ AC Milan ធ្វើបានចន្លោះឆ្នាំ ១៩៨៩ និង ១៩៩០។
សម្រាប់តោខៀវ Chelsea លោក Petr Cech ជាអតីតអ្នកចាំទីមួយរូប ក៏យល់ឃើញថា ពួកគេអាចធ្វើបានដែរ ឲ្យតែប្រាកដថាគ្រប់យ៉ាងមានភាពច្បាស់លាស់និងត្រឹមត្រូវ ពោលមិនអាចមើលស្រាលការប្រកួត ឬគិតថាប្រកួតណាមួយគ្មានសំណាងបាននោះទេ។
Cech ពន្យល់បែបនេះថា៖ "វាពិតជាពិបាកក្នុងការរក្សាពាន Champions League ព្រោះយើងត្រូវការធាតុផ្សំទាំងអស់ ហើយក៏ត្រូវការសំណាងខ្លះដែរ ដោយ Real Madrid ឈ្នះ ៣ លើកជាប់គ្នា វាពិតជារឿងដ៏អស្ចារ្យ ដែលយើងគួរតែសរសើរពួកគេ ព្រោះការរក្សាពាននេះវាពិតជាពិបាក"។
លោកបន្ត៖ "ពេលយើងក្លាយជាក្រុមឈ្នះជើងឯក គ្រប់គ្នានឹងបន្ថែមសម្ពាធពេលលេងទល់ពួកយើង ដូច្នេះក្លឹប Chelsea ត្រូវប្រាកដថាគ្រប់យ៉ាងគឺដំណើរការទៅបានដោយត្រឹមត្រូវ ពោលមិនអាចធ្វើការសម្រេចចិត្តខុស ឬគិតថាមិនសំណាងក្នុងការប្រកួតណាមួយនោះទេ"។
"យើងកំពុងលេងទល់ក្រុមល្អបំផុតជាច្រើននៅអឺរ៉ុប ជាមួយការដែលអ្នករាល់គ្នាមានការបំផុសទឹកចិត្តនិងមើលឃើញការជម្រុះតែមួយ តែយើងចាប់ផ្តើមបានល្អហើយពេលប៉ះ Zenit St Petersburg ដូច្នេះយើងត្រូវរក្សាបែបហ្នឹងបន្តទៅទៀត"៕
ប្រភព៖ AF
ព័ត៌មានថ្មីៗ
