អតីតគ្រូចាស់មួយរូប ចង់ទៅដឹកនាំ Ronaldo នៅ Man Utd ជំនួសលោក Ole
បើតាមការលើកឡើងពីអ្នកសារព័ត៌មានអ៊ីតាលីលោក Gianluca Di Marzio ថា សម្រាប់ក្លឹប Man Utd គឺជាក្លឹបអាទិភាពមួយក្នុងចិត្តរបស់អតីតអ្នកចាត់ការនៅលីគកំពូល Serie A ក្នុងការទៅដឹកនាំនាពេលខាងមុខ។
នោះគឺលោក Antonio Conte ដែលមួយរយៈមុនមានចចាមអារ៉ាមថា អាចនឹងទៅជំនួសតំណែងលោក Mikel Arteta នៅក្លឹប Arsenal តែយ៉ាងណាពេលចុងក្រោយនេះ លឺថាមិនព្រមទៅទីនោះទេ ពោលចង់ទៅក្លឹបដែលមានធនធានអាចបង្កើតជ័យជម្នះស្រាប់ ហើយបិសាចក្រហមគឺជាក្លឹបដែលលោកចង់ផ្ទេរទៅបំផុត។
បញ្ជាក់ថា Conte បានទំនេរជើងពីការដឹកនាំនៅក្លឹបអាជីពរយៈពេលជិត ៣ ខែមកហើយ ក្រោយពីបញ្ចប់កុងត្រាមុនកាលកំណត់ជាមួយនឹងក្លឹប Inter Milan។ ដោយឡែកកាលនៅលីគអង់គ្លេស អតីតកាលលោកធ្លាប់បានដឹកនាំ Chelsea នាចន្លោះខែកក្កដា ឆ្នាំ ២០១៦ ដល់ខែកក្កដា ឆ្នាំ ២០១៨ ហើយបានឈ្នះពានរង្វាន់ Premier League និង FA Cup។
បើតាមការបញ្ជាក់លោក Di Marzio និយាយ៖ "Conte គាត់នឹងទទួលយកតែគម្រោងដែលកំពុងឈ្នះស្រាប់ ដូច្នេះខ្ញុំមិនគិតថាគាត់នឹងទៅដឹកនាំ Arsenal ទេ ហើយក៏ជាមូលហេតុដែលគាត់ច្រានចោលសំណើ Totttenham Hotspur ដែរ អ៊ីចឹងហើយខ្ញុំគិតថា គាត់នឹងទទួលយកតែសំណើ Manchester United មួយគត់"៕
ប្រភព៖ Sportsmole
ព័ត៌មានថ្មីៗ
