Ronaldo ប្រតិកម្មបែបនេះពេល Man Utd ចាញ់ Young Boys យប់មិញ
Cristiano Ronaldo បានលេងការប្រកួតក្របខ័ណ្ឌ Champions League ជាលើកដំបូងរបស់គាត់សម្រាប់ Man United ក្នុងរយៈពេល ១២ ឆ្នាំហើយគាត់បានរកគ្រាប់បាល់បើកឆាកទល់នឹង Young Boys នៅនាទីទី ១៣ ។
ទោះយ៉ាងណាក៏ដោយ! គាត់ត្រូវប្ដូរចេញនៅចុងម៉ោង ហើយអង្គុយនៅកៅអី មើលក្រុមម្ចាស់ផ្ទះ Young Boys រកគ្រាប់បាល់ជ័យជម្នះនៅចុងម៉ោង។ បន្ទាប់ពីការប្រកួតចប់ បុរសវ័យ ៣៦ ឆ្នាំរូបនេះបានយកបណ្តាញសង្គមរបស់គាត់បង្ហាញអំពីប្រតិកម្មចំពោះការបរាជ័យនេះថា៖
"នេះមិនមែនជាលទ្ធផលដែលយើងចង់បាននោះទេ ប៉ុន្តែឥឡូវនេះវាដល់ពេលដែលត្រូវងើបឡើងវិញ ហើយផ្តោតលើការប្រកួតបន្ទាប់!"។
Wasn't the result we wanted, but now it’s time to recover well and focus on the next game!👏🏽👊🏽 #mufc pic.twitter.com/J97WdtIylR
— Cristiano Ronaldo (@Cristiano) September 14, 2021
ក្នុងការប្រកួតនេះគឺជាការបង្ហាញខ្លួនលើកទី ១៧៧ ក្នុងក្របខ័ណ្ឌ Champions League សម្រាប់ Ronaldo ដែលតាមស្មើកំណត់ត្រាអតីតមិត្តរួមក្រុម Iker Casillas ប៉ុន្តែលទ្ធផលបរាជ័យ ការកាន់កំណត់ត្រានេះគ្មានការអបអរសាទរនោះទេ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
