Joe Cole ថាមើលការលេងយប់មិញ ដឹងតែម្នាក់នេះហើយ ក្លាយជា Top Scorer នៅ UCL
កាលពីយប់មិញ គឺមានការប្រកួតចំនួន ៨ គូ ហើយយើងក៏ឃើញលទ្ធផលគូសំខាន់ៗដូចជា Young Boys ២-១ Man Utd, Chelsea ១-០ Zenit, Malmo ០-៣ Juventus និង Barcelona ០-៣ Bayern Munich ជាដើម។
ក្រោយឃើញការប្រកួតនៅយប់មិញ លោក Joe Cole ជាអតីតកីឡាករនៅជម្រើសជាតិអង់គ្លេសមួយរូប បានកោតសរសើរដល់ខ្សែប្រយុទ្ធ Romelu Lukaku ហើយនិយាយថា តារាឆ្នើមសញ្ជាតិបែលហ្សិក ពិតណាស់នឹងក្លាយជា Top Scorer នៅ UCL ប្រចាំរដូវកាល ២០២១/២២ នេះ។
Cole ប្រាប់ BT Sport ដូច្នោះថា៖ "ការប្រៀបធៀបរវាង Lukaku ទៅនឹង Didier Drogba ជារឿងដែលគួរតែនឹងកើតឡើង ព្រោះអីពួកគេលេងតំណែងដូចគ្នា ហើយអ្វីដែលខ្ញុំមើលឃើញ Lukaku ពេលនេះ គឺគេក៏មានភាពជាអ្នកដឹកនាំក្នុងក្រុមដូចជា Drogba អ៊ីចឹងដែរ"។
លោកបន្ត៖ "Lukaku និង Chelsea កំពុងឡើងទៅចំណុចខ្ពស់មួយហើយ ខ្ញុំគិតថា គេនឹងក្លាយជាអ្នករកបានគ្រាប់បាល់ច្រើនបំផុតនៅ Champions League រដូវកាល ២០២១/២២"។
គួរបញ្ជាក់ថា នេះវាអាចកើតឡើងទៅបានដែរ ប្រសិនណា Chelsea មានឱកាសប្រជែងដល់វគ្គខ្ពស់ៗដូចរដូវកាលមុន ខណៈដែលបច្ចុប្បន្ន Lukaku រកបានមួយគ្រាប់ហើយ តែ Robert Lewandowski ក៏ជាអ្នកនាំមុខ ក្រោយរកបាន ២ គ្រាប់ទល់ Barcelona។ យ៉ាងណានៅមានវគ្គច្រើនទៀត ដែលយើងនឹងរង់ចាំទស្សនាបន្តជាមួយគ្នា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
