ទោះចាញ់ តែ Ronaldo តាមស្មើកំណត់ត្រាខ្នាតយក្ស ២ នៅប្រកួតបើកឆាក UCL
តារាឆ្នើម Cristiano Ronaldo គឺជាអ្នករកបានមួយគ្រាប់ឲ្យក្លឹប Man Utd នៅប្រកួតទល់ Young Boys តែស្តាយមិនអាចទទួលបាន ៣ ពិន្ទុនោះទេ ក្រោយចាញ់ ១-២។ យ៉ាងណាក្រោយចប់ការប្រកួត យើងក៏សរុបឃើញថា កីឡាករសញ្ជាតិព័រទុយហ្គាល់ បានបង្កើតនៅកំណត់ត្រាធំៗដល់ទៅ ២ ដ្បិតបើក្រុមចាញ់។
ទី ១) គឺការស៊ុតទល់ក្លឹបទាំង ៣៦ ផ្សេងពីគ្នានៅ UEFA Champions League ដែលជាកំណត់ត្រាចាស់របស់ Lionel Messi។ មានន័យថា ក្លឹប Young Boys គឺជាសំណាញ់ទីទី ៣៦ ដែល CR7 ស៊ុតចូល នាំឲ្យឈរស្មើកំណត់ត្រារបស់កីឡាករអាហ្សង់ទីន។
ទី ២) គឺការបង្ហាញខ្លួននៅ Champions League ច្រើនប្រកួតបំផុត ដោយលោកតាមស្មើកំណត់ត្រារបស់ Iker Casillas ជាអតីតជើងចាស់នៅក្លឹប Real Madrid បានហើយ ពោលគឺជាប្រកួតទី ១៧៧ កាលពីយប់មិញ។
គួរបញ្ជាក់ថា ម្ចាស់ពាន Ballon d'Or ៥ សម័យកាល មកបង្ហាញខ្លួននៅ UCL សារនេះ គឺជារដូវកាលទី ១៩ ហើយសម្រាប់លោក បន្ទាប់ពីការបង្ហាញខ្លួនលើកដំបូង កើតឡើងនៅខែតុលា ឆ្នាំ ២០០៣ គ្រាលេងឲ្យ Man Utd ដូចគ្នា ទល់ក្លឹប Stuttgart៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
