Ronaldo និយាយពាក្យមួយឃ្លានេះភ្លាមទៅមិត្តរួមក្រុម ក្រោយលេងចាញ់ Young Boys
ការប្រកួតរវាង Young Boys និង Man Utd បានបញ្ចប់ទៅក្រោមលទ្ធផល ២-១ ដែលនេះជាការយកបាន ៣ ពិន្ទុដ៏តានតឹងបំផុត ព្រោះអី United លេងគ្នា ១០ នាក់ ទល់ក្រុមម្ចាស់ផ្ទះពេញជើងរយៈពេលជិត ៦០ នាទី។
ក្រោយចប់ការប្រកួតមតិជាច្រើនបានបង្ហាញការមិនពេញចិត្ត ខ្លះសោកស្តាយ តែខ្លះក៏នៅតែគាំទ្រ United ជានិច្ច ព្រោះយល់ឃើញថា ដោយសារមានកាតក្រហមមួយរបស់ Aaron Wan-Bissaka ទេ កុំអីលទ្ធផលមិនចេញមកបែបហ្នឹងឡើយ។
ទៅមើលតារាឆ្នើម Cristiano Ronaldo ឯណោះវិញ ដែលជាអ្នករកបានមួយគ្រាប់នៅប្រកួតបើកឆាក UCL ឲ្យក្លឹប Man Utd ក៏បាននិយាយក្រោយចប់ការប្រកួតបែបនេះថា៖ "វាជាលទ្ធផលដែលយើងមិនចង់បានពិតមែន តែយ៉ាងណាពេលនេះជាពេលវេលាយើងត្រូវត្រលប់ទៅរកភាពល្អប្រសើរវិញ ហើយផ្តោតលើប្រកួតបន្ទាប់ទៀត"។
បញ្ជាក់ថា តារាឆ្នើមសញ្ជាតិព័រទុយហ្គាល់រកបាន ៣ គ្រាប់នៅ ២ ប្រកួតដំបូង ហើយភារកិច្ចបន្ទាប់ត្រូវមមាញឹកខ្លាំង ដោយត្រៀមប៉ះ West Ham នាយប់ថ្ងៃអាទិត្យ មុនរំលងទៅប្រកួតបន្តបន្ទាប់ទាំងពានតូចក្នុងស្រុក ហើយសម្រាប់ UCL ការវិលមកជុំទី ២ គឺត្រូវប៉ះសត្រូវចាស់ Villarreal នាចុងខែកញ្ញា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
