សុខៗឃើញរបស់ ៣ នេះ វាជាប្រផ្នូលល្អ ប្រៀបដូចព្រះសំណាងចូលមកលេងផ្ទះ
ប្រសិនជាសុខៗអ្នកបានប្រទះឃើញរបស់ ៣ នេះ យើងសូមចូលរួមអបអរសាទរ ដោយវាសុទ្ធតែជាប្រផ្នូលល្អ ហើយអ្នកនឹងមានសំណាងច្រើននៅពេលខាងមុខ៖
៣) ឃើញមេអំបៅហោះចូលផ្ទះ
យោងតាមដំណាលចាស់ៗពីបុរាណ បើឃើញមេអំបៅហោះចូលផ្ទះ នោះមានន័យថា ព្រះសំណាងកំពុងមកលេងផ្ទះរបស់អ្នក ពោលនៅថ្ងៃខាងមុខនេះ អ្នកនឹងទទួលបានដំណឹងល្អមកក្នុងជីវិត ក៏ដូចជាក្រុមគ្រួសារទាំងមូល។
វាក៏ជាសញ្ញាល្អមួយផងដែរ សម្រាប់កិច្ចសហការផ្សេងៗក៏ដូចជាទំនាក់ទំនងដែលមិនបានកំណត់ទុកជាមុន ហៀបនឹងស្វាគមន៍ចូលមកក្នុងផ្ទះរបស់អ្នក។ ប្រសិនវាជាមេអំបៅប្រផេះឬខ្មៅ នៅពេលខាងមុខ អ្នកនឹងទទួលបានការផ្លាស់ប្តូរវិជ្ជមានច្រើននៅផ្នែកអាជីពការងារនិងលុយកាក់។
២) ឃើញឆ្កែរត់ចូលផ្ទះ
មិនដឹងឆ្កែរបស់នរណា វង្វេងម្ចាស់បានរត់ចូលមកក្នុងផ្ទះអ្នក សុំអ្នកកុំភិតភ័យឲ្យសោះ ព្រោះនេះជាការនាំលាភចូលផ្ទះទៅវិញទេ ពោលផ្នែកការងារនិងហិរញ្ញវត្ថុរបស់អ្នកនឹងមានភាពល្អប្រសើរឡើង។ ក្នុងផ្ទះនាពេលដ៏ខ្លីខាងមុខ នឹងជួបតែភាពរុងរឿងសុភមង្គល មានលុយសប្បាយចាយពេញផ្ទះ។
១) ឃើញឥន្ទធនូបន្ទាប់ពីមេឃភ្លៀង
ជាធម្មតានរណាក៏ឃើញដែរ តែត្រូវសួរថា តើមានភាពចៃដន្យអ្វីដែលទាញឲ្យអ្នកចេញមើលទៅខាងក្រៅ ឬបានឃើញដោយចៃដន្យក្នុងពេលវេលាណាមួយ? ហេតុហ្នឹងហើយតាមជំនឿគេជឿថា ការដែលឃើញឥន្ទធនូ គឺប្រៀបដូចជាកន្លែងនាំសំណាង នាំទ្រព្យហៀរហូរចូលផ្ទះ ហើយបើអ្នករកស៊ី ឬមានអាជីវកម្មក្នុងដៃ ចាំតែកើបផលចំណេញធំទៅនៅពេលខាងមុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
