មើលវីដេអូប្រៀបធៀបនេះ បានដឹងថា Ronaldo ធ្លាក់ជើង ដោយសារតែលេងនៅ Juventus
Cristiano Ronaldo ពេលផ្ទេរទៅក្លឹបសេះបង្កង់ Juventus លោកក៏រកបានគ្រាប់បាល់ជារឿយៗផងដែរ តែតាមតួលេខដែលធ្វើបានគឺនៅតិចជាងអ្វីដែលអ្នកគាំទ្រចង់បាន ហើយជាក់ស្តែងសូម្បីតែខ្លួនលោកផ្ទាល់ ក៏ជឿថាមិនពេញចិត្តនោះដែរ។
ចាយពេល ៣ រដូវកាលនៅក្លឹបក្នុងប្រទេសអ៊ីតាលី CR7 រកបានតែ ១០១ គ្រាប់និង Assist ២២ លើកប៉ុណ្ណោះ ពោលស្ថិតិនេះ គិតជាមធ្យមគឺមិនបានឈានដល់ចំណុចដ៏ខ្ពស់មួយដូចកាលនៅក្លឹប Real Madrid ឡើយ។ ដោយឡែកសម្រាប់ការវិលត្រលប់មក Man Utd សារនេះ ធ្វើឲ្យអ្នកគាំទ្រជាច្រើនជឿថា កីឡាករព័រទុយហ្គាល់នឹងអាចត្រលប់ទៅរកភាពល្អឥតខ្ចោះវិញបាន បើទោះបីវ័យចូលដល់ ៣៦ ឆ្នាំក៏ដោយ ព្រោះអីនៅក្លឹបបិសាចក្រហម គឺមានកីឡាករល្អៗចាំជួយជ្រោមជ្រែងពីខាងក្រោយច្រើន។
បើតាមការបង្ហោះពីគណនី @PIPARS_ លើ Twitter បានបង្ហាញពីការប្រៀបធៀបនៅសាច់បាល់មួយ ស្ថិតក្នុងស្ថានភាពស្រដៀងគ្នា ដោយមួយពេល Ronaldo លេងឲ្យ Juventus និងមួយពេល Ronaldo លេងឲ្យ Man Utd កាលប៉ះ Newcastle។ បាល់នោះគឺឃើញថាមិត្តរួមក្រុមនៅ United មានភាពឈ្លាសវៃ និងយល់ពីចង្វាក់នៃការបញ្ជូន ល្អជាងកាលនៅក្លឹបចាស់ Juventus។
ទស្សនាវីដេអូខាងក្រោម៖
— بيبرس (@PIPARS__) September 12, 2021
ក៏ធ្វើឲ្យមានមតិជាច្រើនលើកឡើងថា Ronaldo សក្តិសមជារបស់ Man Utd ពិតៗ ពោលទៅលេងនៅ Juventus គឺជាកន្លែងដែលទាញឲ្យលោកធ្លាក់ជើងទៅវិញទេ។ យ៉ាងណាយើងនឹងរង់ចាំមើលបន្តទៀត ជាពិសេសនៅការប្រកួត UEFA Champions League ខាងមុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
