ឃើញលេងល្អ ក្លឹប Juventus ស្រាប់តែចាប់ចិត្តលើមិត្តរួមក្រុមថ្មីរបស់ Ronaldo ម្នាក់
ក្លឹបសេះបង្កង់ Juventus ត្រូវបានគេរាយការណ៍ថា កំពុងចាប់អារម្មណ៍លើកីឡាករកាន់ឆ្នាំនៅ Old Trafford ក៏ដូចជាមិត្តរួមក្រុមរបស់អតីតកីឡាករខ្លួន Cristiano Ronaldo ដោយចង់ចរចានាំយកគេមកទីក្រុង Turin នាឆ្នាំ ២០២២។
នោះគឺអ្នកចាំទី David de Gea ដែលរយៈពេលចុងក្រោយ គេក៏មានការប្រជែងខ្ពស់នៅតំណែងដៃទីមួយជាមួយនឹង Dean Henderson ជាពិសេសគឺរដូវកាលមុន ទើបតែរដូវកាលថ្មី ២០២១/២២ នេះទេ ដែលកីឡាករវ័យ ៣០ ឆ្នាំ អាចទទួលបានឱកាសជាប់លាប់ជាងមុន។
យ៉ាងណាគេឃើញថា សមត្ថភាពរបស់ de Gea នៅតែមាន ហើយអនាគតរបស់គេនៅបិសាចក៏វែងឆ្ងាយ ពោលមានសុពលភាពកុងត្រាដល់ចុងខែមិថុនា ឆ្នាំ ២០២៣ ឯណោះ។ សម្រាប់ក្លឹប Juventus មានបំណងចង់នាំយកកីឡាករសញ្ជាតិអេស្ប៉ាញ មកជំនួសតំណែង Wojciech Szczesny នៅរដូវកាលក្រោយនេះ។
យើងមិនច្បាស់ថា United ព្រមលក់ឬអត់ទេ តែវាស៊ីសងលើសាមីខ្លួន ជាអ្នកសម្រេចចិត្តមួយផ្នែកដែរ។ រំឭកស្ថិតិបង្ហាញខ្លួន ៤៤៥ ប្រកួត នៅរយៈពេល ១០ ឆ្នាំមកនេះ De Gea ធ្លាប់ឈ្នះពានរង្វាន់ Premeir League, FA Cup និង EFL Cup មួយលើកៗរៀងគ្នា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
