Klopp ថាភ្ញាក់ផ្អើលរឿងនេះ អំពីវិលត្រលប់របស់ Cristiano Ronaldo
ការតតាំងរវាង Man Utd និង Liverpool នៅរដូវកាលថ្មី ២០២១/២២ ដែលជើងទី ១ នៅ Old Trafford ត្រូវលេងនៅថ្ងៃទី ២៤ តុលាខាងមុខ សម្រាប់ក្រុមលោក Jurgen Klopp នឹងត្រូវបន្ថែមសម្ពាធមួយកម្រិតទៀត ក្រោយពី United យកបានប្រយុទ្ធថ្មី ជាតារាឆ្នើម Cristiano Ronaldo។
សម្រាប់ការត្រលប់មក Old Trafford សារនេះ លោក Klopp ថាមិនជាមានអ្វីថ្មីត្រង់រឿងហ្នឹងទេ តែភ្ញាក់ផ្អើលត្រង់សុខៗ CR7 គិតចង់ចាកចេញពី Juventus ហើយក្លឹបអាទិភាពដំបូង បែរជាមានដំណឹងជាមួយក្លឹបគូប្រជែងគឺមេឃខៀវ Man City ឯណោះ។
លោក Klopp មានប្រសាសន៍៖ "សួរខ្ញុំរីករាយ ឬអត់ការដែល Ronaldo មក United? ខ្ញុំមិនអាចនិយាយអ្វីបានទេ តែខ្ញុំភ្ញាក់ផ្អើលត្រង់ពេលលឺចចាមអារ៉ាមដំបូងដែលគេចង់ចេញពី Juventus ហើយគេបែរជាចង់ទៅ City ដោយពេលនោះខ្ញុំ គិតថា វានឹងក្លាយជារឿងដ៏អស់សំណើចមួយសម្រាប់ United តែចុងក្រោយបែរជា United បោះជំហានចូលមកហើយសម្រេចវាបាន ជាការពិតគ្រប់យ៉ាងគឺសេរីលើលោកនេះ ពួកគេអាចធ្វើអ្វីដែលពួកគេចង់"។
គួររំឭកថាក្នុងអាជីពរបស់ Cristiano Ronaldo លោកធ្លាប់លេងតតាំង Liverpool ១១ លើក នេះរាប់ទាំងកាលនៅក្លឹបចាស់និងថ្មីទាំងអស់ ហើយឈ្នះ ៧ លើក ស្មើ ១ ចាញ់ ៣ ដោយរកបាន ៣ គ្រាប់ ពោលស្ថិតិគ្រាប់បាល់ជាមធ្យម គឺ ៣១៧ នាទី/គ្រាប់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
