Ronaldo ផ្ញើសារដ៏មានអត្ថន័យទៅអ្នកគាំទ្រក្រោយចូលលេងប្រកួតដំបូងហើយស៊ុត២គ្រាប់ឱ្យ Man Utd
ក្រុមបិសាចក្រហម Manchester United បានយកឈ្នះក្រុម Newcastle United ក្នុងលទ្ធផល៤ទល់១នាការប្រកួតក្នុងពានរង្វាន់ Premier League សប្ដាហ៍ទី៤រដូវកាល២០២១/២០២២។
៤គ្រាប់របស់បិសាចក្រហមរកបានដោយ Cristiano Ronaldo ២គ្រាប់, Bruno Fernandes មួយគ្រាប់ និង Jesse Lingardមួយគ្រាប់ ខណៈដែល Paul Pogba និង Luke Shaw ជាអ្នកបញ្ជូនបាល់។ Javier Manquillo របស់ Newcastle United ផ្សល់រង្វាន់លួងចិត្តឱ្យក្លិបនិងមិត្តរួមក្រុមបានមួយគ្រាប់ដែរ។ សម្រាប់ Cristiano Ronaldo បន្ទាប់ពីចប់ការប្រកួតបាននិយាយក្នុងគណនីបណ្ដាញសង្គមទាំងអស់របស់ខ្លួនថា៖
"ការវិលត្រឡប់មកកាន់ទឹកដី Old Trafford របស់ខ្ញុំវិញគ្រាន់តែជាការរំលឹកមួយភ្លែត អំពីមូលហេតុដែលកីឡដ្ឋាននេះត្រូវបានគេស្គាល់ថាជាមហោស្រពនៃក្ដីសុបិន។ សម្រាប់ខ្ញុំ! វាតែងតែជាកន្លែងវេទមន្តមួយ ដែលអ្នកអាចសម្រេចបាននូវអ្វីគ្រប់យ៉ាងដែលអ្នកបានកំណត់"។
"រួមជាមួយមិត្តរួមក្រុមរបស់ខ្ញុំ និងជាមួយនឹងការគាំទ្រដ៏អស្ចារ្យ ដែលយើងតែងតែទទួលបានពីជំហរយើង ប្រឈមមុខនឹងផ្លូវឆ្ពោះទៅមុខដោយភាពជឿជាក់ និងសុទិដ្ឋិនិយមដែលយើងទាំងអស់គ្នា នឹងអបអរសាទរជាមួយគ្នានៅទីបញ្ចប់” ។
"មានមោទនភាពដែលបានត្រលប់មក Man United វិញហើយលេងនៅ Premier League ម្តងទៀត ប៉ុន្តែសំខាន់ជាងនេះទៅទៀតរីករាយដែលបានជួយក្រុម! តោះ!យើងទៅ Devils!"។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
