Liverpool ត្រៀមលុយធំ ៨៨ លានផោន ចង់ថ្ពក់យកគ្រាប់ពេជ្ររបស់ Barcelona
ក្លឹបហង្សក្រហម Liverpool ត្រូវបានគេរាយការណ៍ថា បានដាក់គោលដៅចាប់អារម្មណ៍ទៅលើយុវជនឆ្នើមនៅឯក្លឹប Barcelona ពោលចង់ថ្ពក់យកគេមកចូលរួមនៅ Anfield ជាមួយកញ្ចប់ថវិកាចរចា ៨៨ លានផោន។
នោះគឺខ្សែបម្រើ Pedri ដែលជាយុវជនវ័យ ១៨ ឆ្នាំ និងកំពុងលេចធ្លោនៅក្លឹប Barcelona ហើយក៏រាប់បានជាគ្រាប់ពេជ្រដ៏សកម្មមួយ ជាក់ស្តែងនៅរដូវកាលមុន គេបង្ហាញខ្លួនឲ្យក្លឹបសរុបដល់ទៅ ៥២ លើក។
បើតាមរបាយការណ៍ពី OK Diario ចុះផ្សាយថា ហង្សក្រហមកំពុងរៀបចំសំណើទឹកប្រាក់ ៨៨ លានផោន ថ្ពក់យកយុវជនសញ្ជាតិអេស្ប៉ាញ ហើយជឿថាការចរចាសារនេះ នឹងអាចអន្ទងចិត្តកីឡាករក៏ដូចជាក្លឹបបាន ព្រោះពួកគេកំពុងធ្លាក់ក្នុងរណ្តៅវិបត្តិហិរញ្ញវត្ថុ។
ការមើលឃើញ Pedri សម្រាប់ក្រុមដឹកនាំដោយលោក Jurgen Klopp គឺចង់យកមកជំនួស Georginio Wijnaldum ដែលបានផ្ទេរទៅចូលរួមនៅ PSG កាលពីរដូវក្តៅ។ បញ្ជាក់ថាក្រៅពីហង្ស ខាងក្លឹបមេឃខៀវ Man City ក៏ស្ថិតក្នុងចំណោមក្លឹបធំៗផ្សេងទៀតដែលចង់បាន Pedri ដូចគ្នា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
