មិនមែនចេះតែស៊ុតទេ Bruno ថាខ្លួនទៅហាត់ក្បាច់ស៊ុតប៉េណាល់ទី ពីគ្រូមួយរូប
Bruno Fernandes បានក្លាយជាអ្នកស៊ុតប៉េណាល់ទីផ្តាច់មុខនៅ Man Utd ក្រោយគេផ្ទេរមកចូលរួមកាលពីខែមករា ឆ្នាំ ២០២០ យ៉ាងណាក្រោយពេល Cristiano Ronaldo មកដល់ គ្រប់គ្នាកំពុងរង់ចាំអុតមើលថា នឹងមានការសម្រេចបែបណា តែមតិភាគយល់ឃើញថា គួរតែផ្ទេរទៅ CR7 ជាជាងបន្តទុកឲ្យ Bruno។
បញ្ជាក់បន្តិច Bruno ស៊ុតប៉េណាល់ទី ២២ លើក ចូលដល់ទៅ ២១ លើក ដែលនេះជាស្ថិតិល្អបំផុតរបស់ក្លឹប ហើយជាមួយស្ថិតិដែលមានអត្រាជោគជ័យខ្ពស់បែបនេះ គេបង្ហើបថា គេរៀនពីគ្រូនៅក្លឹបក្នុងប្រទេសអ៊ីតាលីកាលពី ៥ ឆ្នាំមុន។
ប្រាប់សារព័ត៌មាន MOTDx ខ្សែបម្រើឆ្នើមខាងលើនិយាយ៖ "ខ្ញុំជាញឹកញយដើមឡើយគឺរបៀបផ្សេងពីគ្នា តែពេលខ្ញុំនៅ Sampdoria កាលនោះមានគ្រូមួយរូបដើរចូលមកប្រាប់ខ្ញុំថា អ្នកឯងគួរតែសាកល្បងស៊ុតរបៀបនេះវិញ"។
លោកបន្ត៖ "ក៏ដោយសារកាលពីអតីតកាល កីឡាករមួយចំនួនធំនៅ Sampdoria ពួកគេតែងតែលោតហើយស៊ុតបែបហ្នឹង ពេលស៊ុតប៉េណាល់ទី អ៊ីចឹងខ្ញុំក៏ចាប់ហ្វឹកហាត់ការស៊ុតបែបហ្នឹងពីពេលហ្នឹងតរៀងមក ហើយមកដល់ពេលនេះ វាក្លាយជារបៀបស៊ុតដ៏ល្អមួយ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
