Berbatov ថាប្រយុទ្ធ ៣ រូបនៅខាងលើរបស់ Man United លោកសុំដាក់បែបនេះហើយ
អតីតខ្សែប្រយុទ្ធរួមក្លឹប Man Utd គឺ Dimitar Berbatov បានបង្ហាញការយល់ឃើញមួយចំនួន ពាក់ព័ន្ធនឹងការវិលត្រលប់មកវិញនៃមិត្តចាស់គឺ Cristiano Ronaldo ហើយអត្ថបទនេះ យើងលើកបង្ហាញ ២ ចំណុចដូចខាងក្រោម។
គេសួរថា តើ Ronaldo គួរតែទទួលបានឱកាសជាអ្នកស៊ុតប៉េណាល់ទីនៅ Man Utd ដែរទេ? លោក Berbatov ឆ្លើយ៖ "ត្រូវតែផ្លាស់ប្តូរ Bruno គេត្រូវតែផ្តល់មកឲ្យ Ronaldo ជាធម្មតាក្នុងវិស័យបាល់ទាត់ គឺតែងតែត្រូវមានបែបហ្នឹង ពេលនរណាម្នាក់មកដល់ដូចជា Ronaldo ជាប្រធានក្រុមមួយរូបនៅជម្រើសជាតិរបស់អ្នកផង ជាកីឡាករល្អបំផុតក្នុងលោក ដូច្នេះអ្នកត្រូវបង្ហាញការគោរព ដោយផ្តល់ឲ្យគេស៊ុតប៉េណាល់ទី តែបើការស៊ុត Free-Kick លុះត្រាតែអ្នកទាំងពីរជជែកគ្នាសិន"។
តើប្រព័ន្ធខាងមុខ ៣ រូបល្អបំផុតរបស់ Man Utd គួររៀបបែបណា ជាមួយការប្រើប្រាស់ Ronaldo? លោក Berbatov បន្ត៖ "ខ្ញុំនឹងដាក់ Ronaldo នៅប្រយុទ្ធកណ្តាល ហើយដាក់ Mason Greenwood អាចថាប្រយុទ្ធស្លាបឆ្វេងក៏បានស្តាំក៏បាន ព្រោះគេសក្តិសមនឹងទទួលបានឱកាសលេង ហើយខ្ញុំដាក់ Sancho ម្នាក់ទៀតនៅប្រយុទ្ធស្លាប"។
"គ្រប់គ្នាដែលផ្សារភ្ជាប់ដោយស្វ័យប្រវត្តិជាមួយ United កំពុងមានការរំភើបចិត្តជាខ្លាំង ដែល Ronaldo ត្រលប់មកវិញសារនេះ ហើយក៏គិតថា Ronaldo អាចអាចជួយ United លើកពានរង្វាន់បានផងដែរ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
