អនាគតតារាឆ្នើមមួយរូប កាន់តែគួរឲ្យសង្ស័យ ក្រោយគ្មានវត្តមានក្នុងផ្ទាំងប៉ាណូក្លឹប Man Utd
ផ្ទាំងប៉ាណូដ៏ធំ ដែលបានដាក់តាំងនៅមុខច្រកកីឡដ្ឋាន Old Trafford ត្រូវបានអ្នកគាំទ្រកំពុងចាប់អារម្មណ៍ទៅលើ អវត្តមានតារាឆ្នើមដ៏សំខាន់មួយ ក្រោយពីក្លឹបទើបកែថ្មី ដោយមានបន្ថែមរូប Cristiano Ronaldo។
ក្នុងនោះយើងមើលមួយភ្លែត យើងប្រាកដជាចាប់អារម្មណ៍ទៅលើ Cavani, Greenwood, Varane, Mata, Ronaldo, Bruno, Wan-Bissaka, Sancho, Rashford, Maguire, Ole ក៏ដូចជាកីឡាការនីមួយចំនួនផ្សេងទៀត ពោលគេសំដៅទៅកីឡាករសំខាន់ៗរបស់ក្លឹប តែចម្លែកអីបែរជាបាត់មុខ Paul Pogba ទៅវិញ។
អ្នកគាំទ្រជាច្រើនបានបញ្ចេញមតិលើ Twitter ស្រដៀងៗគ្នាថា ប្រហែលជាអនាគតរបស់ Pogba ស្ថិតក្រោមមន្ទិលសង្ស័យ អាចចាកចេញច្រើនជាងនៅ ទើបក្លឹបសម្រេចធ្វើបែបហ្នឹង។ ខ្លះទៅនិយាយថា ហេតុអ្វីក្លឹបមិនផ្តល់ការគោរពសម្រាប់កីឡាករបារាំង ទាំងដែលគេក៏ជាកីឡាករឆ្នើម និងបានចូលរួមចំណែកជួយក្លឹបច្រើនដែរ។ ផ្ទុយទៅវិញ បែរជាអាចដាក់មុខ Mata, Cavani ឬ Bruno ដែលខ្លះទើបមកក្រោយ និងខ្លះមិនសូវសំខាន់ផងនោះ។
បញ្ជាក់ថា Pogba ពិតណាស់ដែលថាគេជាខ្សែបម្រើដ៏លេចធ្លោមួយរបស់ United ជាក់ស្តែងយើងមើលស្ថិតិរដូវកាលនេះ ត្រឹមប្រកួតបើកឆាក ៣ ជុំដំបូង គេ Assist បានដល់ទៅ ៥ លើកទៅហើយ។ យ៉ាងណាសុពលភាពកុងត្រារបស់កីឡាករវ័យ ២៨ ឆ្នាំ នៅសល់ត្រឹមចុងខែមិថុនាឆ្នាំក្រោយ ហើយលឺថាក្លឹប PSG និង Real Madrid ជាដើម កំពុងតាមឃ្លាំមើល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
