បើកភ្លើងខៀវហើយតើ! Arteta ថាទ្វារក្លឹបបើកចាំជានិច្ច ឲ្យតែម្នាក់នេះព្រមវិលមកវិញ
លោក Mikel Arteta មួយរយៈចុងក្រោយ ហាក់កំពុងធ្លាក់ចុះខ្លាំងនៅការដឹកនាំ Arsenal ដែល ៣ ប្រកួតបើកឆាកមិនទាន់ស្គាល់ពាក្យថា ឈ្នះ នៅឡើយ ហើយចុងសប្តាហ៍នេះក្រុមត្រូវប៉ះ Norwich City។
មុនឈានដល់ការប្រកួត លោក Arteta ក៏បាននិយាយអំពីព័ត៌មានអតីតកីឡាករ Jack Wilshere ក្រោយលឺដំណឹងថា មិត្តរួមក្រុមចាស់រូបនេះ កំពុងស្រវាស្វែងរកទ្រនំឈរជើង ក្រោយពីផុតកុងត្រាក្លាយជាកីឡាករគ្មានកុងត្រា។ ក្លឹបចុងក្រោយរបស់ Wilshere គឺនៅ Bournemouth ខណៈជាមួយ Arsenal គេធ្លាប់ចាយពេលចន្លោះឆ្នាំ ២០០៨ ដល់ ២០១៨ ពោលគឺ ១ ទសវត្សពេញ ហើយក៏ធ្លាប់ជាមិត្តរួមក្រុមរបស់គ្រូបច្ចុប្បន្ន Arteta ផងដែរ។
ជាមួយការឆ្លើយតបទៅនឹងសំណួរដែលសួរថា តើ Arteta អាចនឹងអញ្ជើញ Wilshere ឲ្យមកហ្វឹកហាត់ក្នុងក្រុមបណ្តោះអាសន្នសិនបានឬអត់?
ស្រាប់តែ Arteta ឆ្លើយនៅចម្លើយវិជ្ជមានបែបបើកផ្លូវបែបនេះថា៖ "គេ [Wilshere] ជាមនុស្សម្នាក់ដែលខ្ញុំស្គាល់ច្បាស់ ហើយខ្ញុំធ្លាប់ចែករំលែកបន្ទប់ផ្លាស់សំលៀកបំពាក់ជាមួយ ដោយគេជាមនុស្សដែលក្លឹបស្រលាញ់ពេញចិត្ត ហើយអ្នកគ្រប់គ្នានៅទីនេះ គឺតែងតែបើកទ្វារជានិច្ចសម្រាប់ការចង់ត្រលប់របស់គេ"៕
ប្រភព៖ បរទេស | ប្រែសម្រួល៖ ក្នុងស្រុក
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
