Merson ថា Chelsea មិនគួរលក់កីឡាករនេះចេញទេ ព្រោះអាចនាំឲ្យរបូតពាន Premier League
Paul Merson អតីតកីឡាករនៅក្លឹបកាំភ្លើងធំ Arsenal បានបង្ហាញការយល់ឃើញថា ក្លឹបតោខៀវ Chelsea មិនគួរលក់ចេញតំបន់ការពារមួយរូបខាងក្រោមនោះទេ ព្រោះវាកាន់តែធ្វើឲ្យខ្សត់ ក្រោយពេលមិនអាចយកអ្នកថ្មីមកចូលរួម។
នោះគឺលោកសំដៅដល់ឈ្មោះ Kurt Zouma ដែលក្លឹប Chelsea បានលក់ចេញទៅឲ្យ West Ham ហើយបញ្ច្រាសមកវិញ ពួកគេមិនអាចចរចាត្រូវរ៉ូវលើការនាំយក Jule Kounde ចេញពី Sevilla បាន។
ប្រាប់ Sky Sports News លោក Merson និយាយ៖ "ខ្ញុំគិតថានេះជាការប្រកួតប្រជែងដ៏ល្អមួយ តែការដែលអនុញ្ញាតឲ្យ Zouma ចាកចេញទៅ ហើយមិនអាចយកបានអ្នកថ្មី ជាពិសេសការពារកណ្តាលក្រោយ បើយើងដាក់ ៣ រូប ហើយដាក់ James ឲ្យចូលដែរ នោះនឹងមិនល្អទេ ព្រោះគេគួរតែលេងការពារស្លាប"។
លោកបន្ត៖ "សម្រាប់ខ្ញុំ ច្បាស់ណាស់ការដែលពួកគេដក Zouma ព្រោះចង់យកបាន Kounde ឬពួកគេគិតថាខ្សែការពារ Chalobah អាចធ្វើបានល្អ ខ្ញុំក៏គិតថាគេល្អដែរ តែបើយើងនិយាយដល់រឿងលើកពាន Champions League ឬ Premier League គឺបាត់បង់ Zouma ជារឿងមិនល្អឡើយ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
