Man Utd ដាក់គោលដៅថ្មីហើយ នឹងយកម្នាក់នេះមកលេងជាមួយ Ronaldo នៅឆ្នាំក្រោយ
ទីផ្សារដោះដូររដូវក្តៅ ឆ្នាំ ២០២១ បានសម្រេចបិទទ្វារត្រឹមតែប៉ុណ្ណេះ ហើយក្លឹប Man Utd ក៏បានធ្វើរឿងភ្ញាក់ផ្អើលច្រើន មានតាំងពីការយកខ្សែការពារ និងខ្សែប្រយុទ្ធដែលសុទ្ធតែជាកីឡាករកំពូលៗ ហើយអ្វីដែលរំភើបបំផុតនោះគឺអ្នករាល់គ្នាបានឃើញវត្តមាន Cristiano Ronaldo ត្រលប់មកវិញ។
យ៉ាងណាផែនការណ៍បន្ទាប់ ក្លឹប Man Utd ក៏បានដាក់គោលដៅហើយដែរ នោះគឺជាកីឡាករវ័យក្មេង Erling Haaland របស់ក្លឹប Borussia Dortmtund ដែលកិច្ចព្រមព្រៀងតម្លៃផ្តាច់កុងត្រា ៦៨ លានផោនរបស់គេ នឹងត្រៀមដំណើរការពេលខាងមុខនេះតទៅ។ នេះមានន័យថា ក្លឹបធំៗដូចជា Man City, PSG, Bayern Munich ក៏ដូចជា Man Utd ជាដើម នឹងចាប់ផ្តើមចូលចរចាយកគេហើយ ដោយពេលនេះ Dortmund អស់សិទ្ធក្នុងការកំណត់តម្លៃ ពោលវាជាការសម្រេចចិត្តរបស់កីឡាករទាំងស្រុង។
បើតាមរបាយការណ៍ ESPN ចុះផ្សាយថា លោក Ole Gunnar Solskjaer បានមើលឃើញ Haaland ជាកីឡាករដ៏ល្អមួយរូប ហើយសក្តិសមនឹងមកសហការជាមួយ Ronaldo នៅរដូវកាលក្រោយ ២០២២/២៣។ ណាមួយដោយមានឥទ្ធិពល CR7 ជា idol របស់គេផង ដូច្នេះជឿថាការចរចាយកគេចេញពី Dortmund មិនជារឿងលំបាកពេកឡើយ។
គួរបញ្ជាក់ថា យុវជនវ័យ ២១ ឆ្នាំ នៅរដូវកាលថ្មីលេងឲ្យ Dortmund នៅតែល្អ ដោយ ៥ ប្រកួត គេរកបាន ៦ គ្រាប់និង Assist ៣ លើក ខណៈដែលកុងត្រាមានសុពលភាពដល់ចុងខែមិថុនា ឆ្នាំ ២០២៤ ប៉ុន្តែអ្វីដែលសំខាន់គឺ Release Clause របស់គេស្ថិតនៅតម្លៃទាប តែ ៦៨ លានផោនប៉ុណ្ណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
