ប្រធានផ្នែកកីឡារបស់ Man United បង្ហាញអាទិភាពធំបំផុតពីរបន្ទាប់ពីទីផ្សារដោះដូររដូវក្តៅនេះ
ក្រុមបិសាចក្រហម Manchester United បានខកខានក្នុងការចុះហត្ថលេខាលើខ្សែបម្រើការពារ ប៉ុន្តែក្រៅពីនេះវាគឺជារដូវក្តៅដ៏អស្ចារ្យរួចទៅហើយ។ បិសាចក្រហមបាននាំយក Raphael Varane, Jadon Sancho, Tom Heaton ហើយជាការពិតទទួលបាន Cristiano Ronaldo ខណៈពេលដែល Daniel James ត្រូវបានលក់ទៅឱ្យ Leeds ។
ទោះយ៉ាងណាក៏ដោយមានកង្វល់បន្ទាន់ពីរដែលនៅតែមានចំពោះនាយកកីឡា John Murtough ដោះស្រាយមុនពេលទីផ្សារដោះដូរបើកឡើងវិញនៅខែមករា៖
1. អនាគតរបស់ Pogba
Paul Pogba នៅសល់ពេលតិចជាង ១២ ខែទៀតលើកិច្ចសន្យាបច្ចុប្បន្នរបស់គាត់ ដែលមានន័យថាគាត់អាចចុះហត្ថលេខាលើកិច្ចព្រមព្រៀងមុនកិច្ចសន្យា(Pre-Contract)ជាមួយក្លឹបផ្សេងក្នុងរដូវរងារ(ខែមករា)។ គាត់ក៏អាចចាកចេញដោយគ្មានតម្លៃខ្លួននៅរដូវក្តៅក្រោយ ដែលនឹងធ្វើឱ្យប៉ះពាល់ដល់ហិរញ្ញវត្ថុរបស់ក្លឹប។
ថ្វីបើភ្នាក់ងាររបស់គាត់ឈ្មោះ Mino Raiola ខំប្រឹងអស់ពីសមត្ថភាពក៏ដោយ Pogba ពិតជាអាចផ្លាស់ប្តូរគំនិតរបស់គាត់ និងចុះហត្ថលេខាលើអ្វីដែលអាចនិយាយគ្នាបាន។ ជាមួយនឹងកីឡាករលំដាប់ពិភពលោកដូចជា Varane , Ronaldo និងSancho នៅក្នុងរដូវកាលនេះ United គឺជាកន្លែងដ៏សក្តិសមបំផុតសម្រាប់គាត់។ ហើយការពន្យារពេលស្នាក់នៅរបស់ Pogba នឹងបង្ហាញពីសេចក្តីថ្លែងការណ៍ដ៏រឹងមាំនៃចេតនាចំពោះគូប្រជែងរបស់យើង។
2. ចុះហត្ថលេខាលើខ្សែបម្រើការពារ៖
ជាមួយនឹងក្រុមកីឡាករនាពេលបច្ចុប្បន្ន បិសាចក្រហមមានលទ្ធភាពប្រជែងដណ្តើមពានរង្វាន់ក្របខ័ណ្ឌ Premier League ប៉ុន្តែការបន្ថែមខ្សែបម្រើការពារម្នាក់ក្នុងរដូវរងាអាចបង្ហាញពីភាពខ្លាំងគ្រប់តំបន់។
ម្តងហើយម្តងទៀត! ការខ្វះកីឡាករខ្លាំងរបស់យើងនៅក្នុងតំណែងនោះបានធ្វើឱ្យយើងខាតបង់ក្នុងកំឡុងពេលប្រកួត - ឧទាហរណ៍ថ្មីៗបំផុតគឺជ័យជម្នះ ១-០ លើក្រុមចចកខ្មៅ Wolves ។ ការទម្លាក់ Fred ឱ្យចុះមកខាងក្រោមបានធ្វើឱ្យគាត់ពិបាកក្នុងការលេង និងការសម្រេចចិត្តរបស់គាត់ ទោះបីជាគាត់ធ្វើការការពារបានល្អក៏ដោយ។
Saul Niguez បានចូលរួមជាមួយ Chelsea ហើយ Eduardo Camavinga បានចុះហត្ថលេខាជាមួយ Real Madrid ប៉ុន្តែមានជម្រើសជាច្រើននៅក្នុងទីផ្សារសម្រាប់បិសាចក្រហម។ ឧទាហរណ៍ Declan Rice ក៏ជាគោលដៅដែរ ប៉ុន្តែវាអាស្រ័យលើថាតើ West Ham ចង់បានប៉ុន្មាន បន្ទាប់ពីទាមទារ ១០០ លានផោនរួចទៅហើយ។ ចុះ Ruben Neves ដែលបង្ហាញទម្រង់លេងល្អជាមួយ Wolves ពេលប៉ះ Man Utd នោះវិញ? ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
