បង្វិលភពហើយ! ថ្ងៃចុងក្រោយ Girezmann បែរត្រលប់ទៅ At ហើយម្នាក់នេះផ្ទេរទៅ Chelsea
ទីផ្សារដោះដូររដូវក្តៅ ឆ្នាំ ២០២១ ហាក់មានរឿងគួរឲ្យចាប់អារម្មណ៍ច្រើន ជាពិសេសនៅថ្ងៃចុងក្រោយនេះ ការដោះដូរមួយចំនួនបានកើតឡើងទាំងមិនបានរំពឹងទុកមុន។ ជាក់ស្តែងដូចករណីរបស់ Antoine Griezmann ដែលសុខស្រាប់តែសម្រេចការផ្ទេរវិលត្រលប់មកកាន់ក្លឹប Atletico Madrid ហើយក្លឹប At ក៏បាត់បង់កីឡាករមួយរូបវិញឲ្យទៅក្លឹប Chelsea។
ក្នុងកិច្ចព្រមព្រៀងថ្ងៃចុងក្រោយ Antoine Griezmann បានព្រមព្រៀងលើលក្ខខណ្ឌខ្ចីជើងផ្ទេរទៅ Atletico រយៈពេល ១ រដូវកាល ជាមួយជម្រើសទិញផ្តាច់តម្លៃ ៤០ លានអឺរ៉ូ នៅក្រោយបញ្ចប់រដូវកាល ២០២១/២២។
ដូចគ្នាទៅនឹង Atletico ក៏បានដាក់ឲ្យ Chelsea ខ្ចីជើងកីឡាករសំខាន់គឺ Saul Niguez ដល់បញ្ចប់រដូវកាលក្រោយ នាចុងខែមិថុនា ឆ្នាំ ២០២២ ដូចគ្នា។ ខណៈដែលតម្លៃទិញផ្តាច់ ក៏អាចល្បាក់នឹង Griezmann ខ្ទង់ ៤០ លានអឺរ៉ូនោះដែរ។
បញ្ជាក់កាលបរិច្ឆេទទីផ្សារដោះដូររដូវក្តៅ បានសម្រេចបិទទ្វារត្រឹមប៉ុណ្ណេះ ហើយនឹងបើកជាថ្មីម្តងទៀតនៅកំឡុងខែមករា ឆ្នាំ ២០២២ នៅរដូវរងា ឬគេហៅថា ការដោះដូរពាក់កណ្តាលរដូវកាល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
