បង្ហាញខ្លួនប្រកួតដំបូងភ្លាម Messi ជួយ PSG បំបែកកំណត់ត្រាប្រវត្តិសាស្ត្រនៅ Ligue 1 ភ្លែត
Lionel Messi បានបង្ហាញខ្លួននៅការប្រកួតរវាងក្លឹប Paris Saint-Germain ទល់ក្លឹប Reims នាមជាកីឡាករបម្រុង ដែលប្តូរចូលជំនួស Neymar នៅពាក់កណ្តាលតង់ទីពីរ។ ដ្បិតកីឡាករអាហ្សង់ទីន ពុំបានរកគ្រាប់បាល់ តែវត្តមានរបស់លោកសារនេះ បានជួយឲ្យក្លឹបបារាំងបំបែកកំណត់ត្រាដ៏អស្ចារ្យនៅ Ligue 1។
នោះគឺប្រកួតរបស់ PSG បានក្លាយជាប្រកួតដែលមានការទស្សនាច្រើនបំផុតមិនធ្លាប់មានពីមុនមក ដោយតាមរបាយការណ៍ពី L'Equipe ចុះផ្សាយថា អ្នកគាំទ្រនៅបារាំងដែលបានទស្សនាលើបណ្តាញផ្សព្វផ្សាយផ្សេងៗ គឺមានដល់ទៅ ១០,៥ លាននាក់ឯណោះ។ នេះបានក្លាយជាតួលេខនៃប្រកួតដែលមានទស្សនាច្រើនបំផុតក្នុងប្រវត្តិសាស្ត្រក្របខ័ណ្ឌ Ligue 1។
មិនត្រឹមតែបំបែកកំណត់ត្រាក្នុងស្រុកនោះទេ នៅឯប្រទេសអេស្ប៉ាញ វត្តមានរបស់ Messi នៅប្រកួត PSG ដំបូងសារនេះ ក៏បង្កើតកំណត់ត្រាមួយផ្សេងទៀតដែរ នោះគឺជាប្រកួតក្របខ័ណ្ឌ Ligue 1 ដំបូង ដែលមានប្រជាជននៅអេស្ប៉ាញទស្សនាច្រើនបំផុត ដែលប្រហែល ២ លាននាក់ ហើយអ្នកទស្សនាផ្ទាល់នៅកីឡដ្ឋានមាន ៣៤៣ ០០០ នាក់។
នេះជាឥទ្ធិពលដ៏មិនគួរឲ្យជឿរបស់ Messi ដែលកំពុងលើកស្ទួយឲ្យវិស័យបាល់ទាត់បារាំងមានសន្ទុះល្អប្រសើរជាងមុន។ យើងនឹងរង់ចាំមើលនៅលីគកំពូលអង់គ្លេសវិញម្តង ថាតើការវិលត្រលប់របស់តារាឆ្នើម Cristiano Ronaldo នឹងអាចជះឥទ្ធិពលវិជ្ជមានដល់កម្រិតណាទៅ?
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
