ដោយសារហេតុផលនេះទេ កុំអី Man Utd គ្មានអារម្មណ៍ចង់បាន Ronaldo ឡើយ
តារាឆ្នើម Cristiano Ronaldo បានព្រមព្រៀងការផ្ទេរដ៏ភ្ញាក់ផ្អើលមួយ មកកាន់ក្លឹប Manchester United ដ្បិតបើមុននេះមានដំណឹងថាក្លឹប Manchester City តាមក្រវែលចង់បានឥតឈប់ក៏ដោយ។ មុនពេលចាកចេញពី Juventus តារាឆ្នើមពាក់អាវលេខ ៧ សល់សុពលភាពកុងត្រារយៈពេល ១ ឆ្នាំទៀត។
យ៉ាងណាបើតាមការចុះផ្សាយរបស់ Manchester Evening News បានឲ្យដឹងថា ក្លឹបបិសាចក្រហមតាមថាមិនជាចាប់អារម្មណ៍ទៅលើ Ronaldo ប៉ុន្មាននោះទេ ព្រោះបើក្លឹបចង់បាន ម្ល៉េះក្លឹបចរចានាំយកទាំងមុនយក Jadon Sancho អីទៅទៀត តែនេះដោយសារឃើញ Man City ចូលចរចានិងកៀកដល់ការសម្រេចទេ ទើបក្លឹបចូលកាត់មុខហើយប្រើគ្រប់យុទ្ធសាស្រ្តអូសទាញគេឲ្យមក Old Trafford ពោលមិនចង់ឃើញក្លឹបគូប្រជែងយកបានតារាឆ្នើម និងចំណេញលើផលប្រយោជន៍មួយចំនួននោះទេ។
ជាការពិត ប្រសិន City មិនលូកដៃក្នុងការចរចានេះ ហើយអាចថាជាក្លឹប Real Madrid ឬក្លឹប Paris Saint-Germain នោះក៏ក្លឹប Man Utd មិនអើពើនោះដែរ តែនេះក្លឹបដែលដឹកនាំដោយម្ចាស់ជាត្រកូល Glazer ចង់បន្ថែមការទាញចំណាប់អារម្មណ៍ពីអ្នកគាំទ្រ និងមើលឃើញលើផលចំណេញមួយចំនួន ជៀសវាង Man City ដែលជាក្លឹបរួមប្រទេសកើបបាន ទើបពួកគេបើកភ្លើងខៀវភ្លាមៗលើការនាំយកកីឡាករព័រទុយហ្គាល់។
គួរបញ្ជាក់ថា Ronaldo ធ្លាប់ជាអតីតកីឡាករ ចាយពេល ៦ ឆ្នាំនៅ United ដោយបង្ហាញខ្លួនសរុប ២៩២ ប្រកួត គេរកបាន ១១៨ គ្រាប់និង Assist ៦៩ លើក។ ដោយឡែកនៅរដូវកាល ២០២១/២២ តារាឆ្នើមខាងលើ បង្ហាញខ្លួនបាន ៩ ប្រកួត រកបាន ៦ គ្រាប់ហើយឲ្យក្លឹប៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
