Schmeichel ថាកូនក្រុម United រូបនេះ នឹងជាចំណែកសំខាន់ជួយ Ronaldo រកបានគ្រាប់បាល់ច្រើន
អតីតអ្នកចាំទីកាន់ឆ្នាំ Peter Schmeichel បាននិយាយអំពីការមកដល់របស់ Cristiano Ronaldo ហើយបានទទូចឲ្យលោក Ole Gunnar Solskjaer ត្រូវរៀបចំក្រុមដ៏មានសក្ដានុពលមួយ ដើម្បីទុកចន្លោះឲ្យ Ronaldo អាចបញ្ចប់ទី។
តារាឆ្នើមវ័យ ៣៦ ឆ្នាំ បានមានឈ្មោះទៅក្នុងតំបន់ប្រយុទ្ធរបស់ United ដែលបច្ចុប្បន្នក្លឹបមានកីឡាករជាច្រើនស្រាប់ហើយដូចជា Cavani, Sancho, Rashford, Greenwood, Martial, James និង Lingard។ តែយ៉ាងណា Schmeichel ជឿថា Ronaldo នឹងទទួលបានការជ្រោមជ្រែងពីសាច់បាល់ខាងក្រោមរបស់ Bruno Fernandes ជាចំណែកសំខាន់បំផុត។
ប្រាប់ BBC Sport លោក Schmeichel និយាយ៖ "Ronaldo គេនៅតែលឿន ហើយសម្រាប់ខ្ញុំគេល្អណាស់ហើយនៅវ័យ ៣៦ ឆ្នាំប៉ុណ្ណោះ ដូច្នេះយើងត្រូវតែកសាងនៅប្រព័ន្ធដ៏ល្អមួយនៅជុំវិញខ្លួនគេ ហើយខ្ញុំគិតថាអ្នកគាំទ្រ Man Utd ពេលនេះប្រហែលជាកំពុងពេញចិត្តបន្ថែមទៀត ជាពិសេសពេលយើងមាន Bruno Fernandes ស្រាប់ផងនោះ"។
លោកសង្កត់ធ្ងន់៖ "គេជាកំណប់ទ្រព្យមួយរបស់ United ពោល Bruno ជាកីឡាករលំដាប់ពិភពលោក ដែលនេះជាអ្វីយើងសង្ឃឹមចង់បានជាយូរមកហើយ ដោយខ្ញុំគិតថាទាំងនេះហើយ ជាការផ្ទេរដ៏ល្អបំផុតបន្ទាប់ពី Sir Alex ចាកចេញទៅ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
