Souness ថា Ronaldo នឹងមិនអាចអូសបាល់ផុតជើងខ្សែការពារនៅ PL ម្នាក់នេះបានទេ
Cristiano Ronaldo បានត្រលប់មកកាន់ទឹកដី Old Trafford ក៏ដូចជាវត្តមាននៅក្របខ័ណ្ឌ Premier League សារជាថ្មី បន្ទាប់ពីចែកផ្លូវអស់រយៈពេល ១២ ឆ្នាំកាលពីរដូវក្តៅឆ្នាំ ២០០៩។ នៅការមកដល់សារនេះ គ្រប់គ្នាជឿថា CR7 នឹងជាចំណែកជួយឲ្យក្រុមលោក Ole Gunnar Solskjaer មានសង្ឃឹមកាន់តែច្រើននៅការប្រជែងពាន PL ក៏ដូចជា UCL។
យ៉ាងណាបើតាមការយល់ឃើញរបស់អតីតកីឡាករនៅហង្សគឺលោក Graeme Souness បាននិយាយថា ខ្សែប្រយុទ្ធព័រទុយហ្គាល់នឹងពិតជាពិបាកឆ្លងផុតខ្សែការពារកំពូលដូចជា Virgil van Dijk នៅពេលប្រកួត Man Utd-Liverpool កើតឡើង។
ប្រាប់ talkSPORT៖ "គ្រប់ក្រុមដែលជោគជ័យទាំងអស់ តែងតែមានកីឡាករដែលព្យាយាមឆក់យកបាល់ត្រលប់មកវិញ ហើយខ្ញុំមើលឃើញ Ronaldo ពិតជាអាចរកគ្រាប់បាល់ឲ្យ Juventus តែនៅប្រកួតធំៗ គឺកម្រិតលេងរបស់ក្រុមគ្មានការផ្លាស់ប្តូរអ្វីនោះទេ ក្រោយមានវត្តមានរបស់គេ"។
លោកបន្ត៖ "ការមកដល់របស់ CR7 សារនេះ និយាយពីរឿងរកគ្រាប់បាល់គឺជារឿងធម្មតាហើយ គេមានខួរក្បាលដែលអាចគិត គេមានបទពិសោធន៍ក្នុងអាជីព តែស្រមៃទៅមើលពេលប៉ះកម្រិតខ្សែការពារកណ្តាលដ៏ល្អបំផុតមួយដូចជា Virgil van Dijk វាប្រហែលជាពិបាកសម្រាប់ Ronaldo"។
គួរបញ្ជាក់ដែរថា ចង់ដឹងថាពិបាកមែនឬអត់ គ្រប់គ្នានឹងអាចដឹងបាននៅប្រកួតរវាង Man Utd-Liverpool ក្នុងក្របខ័ណ្ឌ Premier League ដែលរដូវកាល ២០២១/២២ ក្រុមទាំងពីរនឹងត្រូវប៉ះគ្នានៅថ្ងៃទី ២៤ តុលា និងថ្ងៃទី ១៩ មិនា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
